تطرق يوسف أوباما صانع ألعاب نادي الزمالك خلال حديثه في برنامج “اللعيب” مع الإعلامي “مهيب عبد الهادي للحديث حول العديد من الأمور المتعلقة بموقفه داخل نادي الزمالك والمنتخب المصري.
وقال “أوباما” :” اقرب لاعب لي في الزمالك كلهم، ودايما كنت بقعد مع طارق حامد قبل الكورونا، وطارق أخ كبير لي وقدوة للناس كلها”.
وأكد :”انا حلمي انضم للمنتخب وبعمل اللي عليه وده شرف واللي عليه اتعب واجتهد اكتر علشان اتواجد في المنتخب”.
وأضاف “أوباما” خلال إستضافته في برنامج “اللعيب” مع الإعلامي ” مهيب عبد الهادي” :” بحترم رأي الجهاز الفني للمنتخب وبقول للكابتن حسام البدري ربنا يوفقه واتعاملت معه في المنتخب الأوليمبي ومش هيعمل الا الصح وطول ما انا واثق في امكانياتي هنضم ومش مستعجل طالما بجتهد”.
وطرق “أوباما” للحديث عن حياتة الخاصة قائلا:” خطيبتي كنت بدور عليها ولقيتها والحمدلله ومرتبطين من سنتين و بشكر ربنا انه رزقني بها واصبحت اكثر هدوء والاستقرار مهم جدا”
وواصل :” لسه كتير اللي هقدمه للزمالك ومش عملت حاجه لسه له، وبشكر كل الناس اللي وقفت جنبي وناس شككت في انتمائي، وقالوا إن هفضل مصلحتي على حساب النادي”
وأكد :”انا مقعدتش علشان اثبت لهم لا انا قعدت علشان زملكاوي وعاملوني في النادي أن ابنهم واطلب من كل الناس قراءة الفاتحة لوالدتي”.
وعن موقف فرجاني ساسي مع الزمالك أوضح “أوباما” :” ساسي لاعب كبير ومفيش زيه كتير في مصر وهو عارف أن الزمالك أضاف له الكثير وهو ذكي، ومش هيفرط في ده بسهوله ولا هيفرط في حب الجمهور”.
وأتم :” ساسي من اول يوم حاسس انه مننا ومن ميت عقبة وهاروح اتخانق معاه ومش هسيبنا كده وربنا يكرمك داخل الزمالك وكل حاجه هتم ولازم تستغل حب الجمهور، وبقوله خليك معنا انا الكابتن وبقولك خليك معنا”
شاهد:
