كشف الإعلامي خالد الغندور مقدم برنامج “زملكاوي” على قناة “الزمالك” عن رسالة خاصة من مصطفى محمد مهاجم الفريق الأول بنادي الزمالك لجمهور الفارس الأبيض بعد الأحداث الأخيرة.
وشهدت الفترة الماضية توتير العلاقة بين مصطفى محمد وجماهير الزمالك بسبب رغبة اللاعب في الرحيل عن صفوف القلعة البيضاء وخوض تجربة الاحتراف.
وقال ” الغندور” :”مصطفى محمد بيقول ان بيحب نادي الزمالك جدا والنادي ده بيته، وقبل بطولة افريقيا كان عنده عدة عروض من تركيا وكانت عروض رسمية”.
وأشار :” مصطفى محمد حاول مع المجلس السابق برئاسة المستشار مرتضى منصور انه يخرج والمجلس رفض، ومصطفى بيقول علشان تجيب عقد موضوع مش سهل، ووكيلة شغال بقاله سنه علشان يكون فيه ناس في أوروبا يتابعه”.
وأضاف ” الغندور” خلال تقديمه حلقة جديدة من برنامج ” زملكاوي” على قناة ” الزمالك” :” مصطفى بيقول ان نادي يدفع فيه 4 مليون دولار ده مبلغ كويس جدا والفرصة دى مش هتجيى تاني خاصة وانه عندة 23 سنه مش 18 او 20″
وتابع :” مصطفى محمد بيقول انا بحب نادي الزمالك بس حرام تحرموني من الفرصة دى وانا لو احترفت برة وتألقت هفضل دايما ابن نادي الزمالك”
وواصل :” مصطفى قالى رمضان صبحي اللى اخدت احسن لاعب في بطولة افريقيا ملقاش أى عقد في أوروبا وفى الاخر ساب الأهلي علشان يروح بيراميدز ”
وأتم : ” مصطفى بيقول القصة أنه مش هياخد كام في الزمالك الموضوع بالنسبالى حلم واحتراف وانا مقدرش اللعب في إنجلترا مرة واحدة، وهذه الفرصة قد لا تعوض مرة أخرى”.
