عبد الواحد السيد : تجديد فرجاني ساسي لابد أن يتم بهذه الطريقة … ويوجه رسالة خاصة للاعب
علق عبد الواحد السيد قائد نادي الزمالك السابق، على مسألة تجديد عقد فرجاني ساسي مع نادي الزمالك، مشيرًا إلي أنه يتمنى إستمرار اللاعب مع الفريق خلال الفترة المقبلة.
وينتهى عقد فرجاني ساسي مع الزمالك بنهاية الموسم الحالي ويسعى مسؤولو الفارس الأبيض لتجديد عقد اللاعب
وقال “عبد الواحد ” :” هكلمك كواحد من جمهور الأول الجمهور عنده الزمالك رقم واحد وشعار النادي ولا إدارة ولا لعيبة مصلحة النادي رقم واحد هو حب ساسي ليه علشان هو بيلعب للزمالك ولكن عنده الزمالك رقم واحد ولو لعبت وأخلصت يشيلك فوق راسه ويلف بيك، وجمهور الزمالك بيحب ساسي ومصطفى ليه علشان اخلصوا وجابوا بطولات”
وأضاف ” عبدالواحد” خلال استضافته في برنامج ” زملكاوي” على قناة ” الزمالك” : “هتكلم من ناحية تانيه ساسي لعب في أماكن تانيه الهاله اللي اخدها والحب ده كان مع الزمالك هو ف النهاية مش مصري وجاله عرض كبير متعرضش في تاريخ الزمالك وهو رقم واحد عنده المادة”.
وتابع :” لكن انا لو مكانه هفكر في حب الجمهور والعرض المقدم من الزمالك كبير ولوانت عاوز جمهور ومبلغ كبير هتختار الزمالك لكن لوعاوز مادة بس هتخسر حب جمهور”
وأكد :” لوجدد الجمهور هيشيله فوق الراس، وأفريقيا والوطن العربي عرفه من الزمالك انت عاوز تقعد وفي عرض كويس وجمهور بيساندك لومكانه هحسبها كده
وواصل :”عنده مميزات كتير ممكن تعوضه عن المادة من حب الجمهور ورغبة الإدارة في استمراره هو لاعب مهم جدا وعنده ميزة حب الجمهور،و إن شاء الله يجدد واهم حاجه بالنسبة لي الزمالك”.
