علق الإعلامي مهيب عبد الهادي على ظهور يوسف إبراهيم أوباما صانع ألعاب الفريق الأول لكرة القدم بنادي الزمالك، والتى تسببت فى هجوم على أوباما بسبب تصريحاته عن إمكانية اللعب في الأهلي.
وقال “اوباما” خلال ظهورة مع “مهيب” : ” النادي الأهلي كبير وأي لاعب يتمنى الانضمام إليه، وأنه من الممكن ارتداء القميص الأحمر خلال الفترة المقبلة، ولكن في حال استغناء مسؤولي نادي الزمالك عنه”.
وقال “مهيب” :” حاجة غريبة جدا الناس بتهاجم يوسف أوباما عشان اتكلم كويس على الأهلي وده مفروض في حملة نبذ التعصب معموله من الوزير الدكتور أشرف صبحي”
وأشار :” الناس بتقول مينفعش يتكلم بعد ما جدد للزمالك طيب ما هو جدد فعلا ودي تضيف ليه”.
وأضاف ” مهيب” خلال تقديمه حلقة جديدة من برنامج ” اللعيب” :” هي الناس فاكرة أن الأهلي متتكملشي معاه، لا الأهلي اتكلم معاه وعرض عليه رقم محترم وهو فضل الزمالك والناس في الأهلي والزمالك عارفين كده كويس”.
وتابع :” في ناس بتنتقد أوباما وبتقول مينفعش يطلع يقول كده وانه عادي يلعب للأهلي ، وهو نفسه وقت ما كان لاعب كان بيقول الاهلي نادي كبير وشرف اني العب فيه ! هو كله بيزايد على اوباما بس !”.
وواصل :” الناس مضايقه انه ازاي لاعب في الزمالك يتكلم على الأهلي كويس وده منطق غريب جدا، هو المفروض على اللعيبه يقدموا فروض الطاعة والولاء بالهجوم على الأندية الأخرى”.
وأتم :”لو في نيه اننا نستفز حد أو تثير التعصب مكناش عملنا مونتاج لحلقه أوباما وكأن فيها كلام كثير وهجوم على لعيبه في الأهلي ولكننا أخدنا الحاجات الكويسه والمحترمة اللي تنبذ التعصب ولكن واضح أن الناس عايزة عكس كده”.
