نائب رئيس الزمالك يهاجم رئيس سانت ايتيان : لن نقبل التهديد .. ويعلن مصير صفقه مصطفى محمد بعد حديثه – فيديو
اكد هشام ابراهيم نائب رئيس الزمالك ان النادي يرفض تهديدات رئيس سانت ايتيان الفرنسي بالغاء العرض المقدم لضم مصطفي محمد حال عدم الرد خلال 48 ساعة
حيث قال هشام ابراهيم : الزمالك ارسل لسانت ايتيان اننا رفضنا التقسيط وعاوزين كاش لان لدينا بعض الامور نريد تنظيمها بالاضافة للتعاقد مع مهاجم ومفيش منهم تواصل رسمي للرد علي طلباتنا وردينا امبارح عليهم
وتابع : لو كانت مداخلة رئيس النادي بيهدد فيها ان الصفقة لو مش هتتم انه هيعلن عن اسم شخص طلب منه عموله انا بقوله اعتبر الصفقة مش هتم واعلن الاسماء الزمالك نادي محترم واعلن الاسماء علشان تقدر نحاسب وانا متاكد ان مفيش حد
واستطرد : انا جالي بعض الاخبار انه مش رئيس النادي لكن قناة النهار قالوا انه هو وبطالبه يعلن عن الاسماء فورا والدليل احنا رجال قضاء ولانسمح بالفساد والنادي محترم والتفاوض كان بيتم من7 او8 اشخاص وعاوز اعرف مين عمل كده علشان احاسبه
وواصل : ولو هو رئيس النادي وبيقول هستنى 24 احنا لانقبل هذا التهدي وبرفض صفقتك، وهكلم الادارة القانونيه لمعرفة اذا كان رئيس النادي احنا مش هنسيب حق الزمالك وجماهيره وكل الموجودين فوق مستوى الشبهات
واستطرد : مصطفى لاعب كبير وابننا ومش بتاخر عن اي لاعب ومعترضناش انه يحترف لمن يحترف بقيمته وقيمة الزمالك،
شاهد :
هشام إبراهيم يرد على تصريحات رئيس نادي سانت إتيان "اعتبر الصفقة مش هتم وإعلن لنا الأسماء"#مساء_ONTime#ONTime_Sports pic.twitter.com/hI689WWllv
— OnTime Sports (@ONTimeSports) January 14, 2021
