أحمد بلال يعود لمهاجمة مصطفى محمد من جديد … “محدش بيتفرج على الدوري التركي” – فيديو

عاد أحمد بلال مهاجم الأهلي السابق للهدوم على مصطفى محمد مهاجم نادي الزمالك المعار مرخرًا إلى صفوف نادي جالطة سراي التركي، وذلك بعد تألقه مع فريقة الجديد.

وأعلن نادي الزمالك عن إعارة مصطفى محمد مؤخرًا لصفوف جالطة سراى لمدة عام ونصف على سبيل الإعارة، واستطاع البلدوزر الجديد إثبات نفسه منذ البداية بعد إحرازه هدفين في أول مباراتين له مع فريقة الجديد.

وقال “بلال” :” مشفتوش وهو بيلعب بس قالولى انه جاب جونين، وهو الدوري التركي بيتذاع فين؟… واحنا مش فاضيين نتفرج على الدوري التركي”.

وأشار :” انا بسمع انه ماشى كويس، ومكنش عندى وقت اشوف الأجوان، لكن عرفت انه جاب اجوان حلوة خاصة الجون التاني، وابنى عمر اللى قالى”.

وأضاف “بلال” خلال استضافته في برنامج ” ملعب اون” على قناة ” أون تايم سبورت” تقديم ” سيف زاهر” :” هل انت منتظر منى اشتم أو اهاجم مستوى مصطفى محمد، ومفيش عندنا مهاجمين فى مصر من الاساس عندنا 3 بالكتير”

وتابع:” معندناش مهاجمين فى مصر عندهم قدرات أو إمكانيات أو فنيات، وكانه دواء مش موجود، و ساعات بقعد أدور على واحد يعرف يتحرك أو يساعد زمايله مش بلاقي”.

وأكمل:” جميع الأندية بتعانى من غياب المهاجمين، سواء الزمالك والأهلي، والزمالك بيعاني من ساعة مصطفى محمد مشى، وجيب اتنين يجرب حد فيهم، وكذلك الأهلي كان معول على ولتر بواليا لكن عايش تحت ضغط”.

يذكر أن أحمد بلال إعتاد خلال الفترات السابقة على مهاجم مصطفى محمد بشدة خلال فترة تواجده مع نادي الزمالك، وكان دايما يدخل فى رهانات على فشل اللاعب وهو ما كان يرده عليه مصطفى داخل أرضية الملعب بتسجيل الأهداف.

شاهد: