أحمد عفيفي يهاجم مسؤولين السوشيال ميديا لقناه الزمالك في الشغل لا بعرف الهزار ولا بقبله – صورة
هاجم أحمد عفيفي مقدم برنامج ” فن وهندسة” على قناة ” الزمالك” مسؤولي السوشيال ميديا الخاصة بقناة الزمالك، وذلك على خلفية عناوين الفيديوهات التي نشرها على صفحة القناة على موقع التواصل الإجتماعي “فيس بوك”.
ونشر “عفيفي” عبر صفحته الشخصية على “فيس بوك” صورة من أحد الفيديوهات المنشورة على صفحة القناة وعلق عليها قائلا :” عنوان الانترو براجعه بنفسي عشان اضمن ميتفهمش غلط لأنه غالبًا بيكون مركب شوية”.
وأشار :” الحاجة الوحيدة اللي بطلبها من اللي بيحط عنوان باقي الفيديوهات انه بس يفهم ايه الي بيتقال ويحط عنوان عادي خالص معبر عن المضمون .. ايه الصعوبة في كده؟”.
وتسائل :” امتى انا قلت ان الزمالك تحول لكائن بدائي؟.. قلتها امتى وازاي وفين؟
هل مطلوب مني اخلص الحلقة واروح اشتغلها سوشيال ميديا كمان؟.. والحقيقة ان دي مش اول مرة”.
وتابع :” على سبيل المثال وليس الحصر (لأن الحصر يطول) امبارح فيديو بيتكلم عن ٤ حاجات تقريبا من ضمنهم فرجاني ساسي”.
وأتم “عفيفي” :” العنوان نازل عن ساسي بس… انا بحاول عادة اكون شخص لطيف ومتفهم إلا في الشغل مبعرفش فيه الهزار ولا التقصير ولا بحاول اعرفهم ولا هقبلهم”.
ويقدم “عفيفي” برنامج ” فن وهندسة” على قناة الزمالك يومي الإثنين والثلاثاء من كل أسبوع في تمام الساعة التاسعه مساءًا.
