يعود ثنائي الفريق الأول لكرة القدم بنادي الإسماعيلي إلى التدريبات الجماعية، اليوم الإثنين، استعدادا لمواجهة الزمالك في الدوري.
الزمالك يلاقي نظيره الإسماعيلي، يوم الأربعاء المقبل، في تمام السابعة والنصف مساءا، على ملعب استاد القاهرة الدولي، ضمن منافسات الثالثة عشر.
وينضم الثنائي محمد عادل والتونسي فخر الدين بن يوسف، إلى التدريبات الجماعية للدراويش.
وغاب اللاعبان عن المباراة الماضية أمام لافيينا اف سى بكأس مصر والتى فاز بها الدراويش بهدفين مقابل هدف، بسبب معاناتهم من الاجهاد.
وفضل البوسنى دراجان يوفيتش المدير الفنى للفريق منحهم فرصة لإلتقاط الانفاس من توالى المباريات.
واكد مدحت عبدالهادي المدرب المساعد بجهاز الزمالك عبر قناة النادي الرسمية انه يعلم ان الجمهور حزين بسبب التعادل الاخير امام مولودية الجزائر ، مؤكدا انه يتقدم لهم برسالة الاعتذار
حيث قال : الجماهير زعلانه واحنا بنعتذر لجماهير الزمالك ووارد الفرق تخسر وتتعادل واحنا لسه في بداية المشوار ولسه بدري والفرق الكبيرة فى اوروبا بيحصل لها كده ، وفي شغل تخصصي للهجوم فى العرضيات والانفرادات ولما يكون فى اكتر من لاعب يهدر فرص بتعرف انك مش في يومك وده ظهر في ماتش اسوان
واضاف : وبنصحح الاخطاء في جميع الخطوط وخاصة الشق الهجومي، عندنا امكانيات عاليه في الهجوم احنا على قناعة وده امر طبيعي،والكونفيدرالية اللي احرزناها كنا اخر المجموعة والفترة اللي فاتت ظهر ده و البطل بيرجع بسرعة احنا بنجمع نقاط وان شاء الله نفوز على تونجيث
واستكمل : بنشتغل دلوقتي للاسماعيلي لانها مباراة مهمة وحاليا اغلقنا افريقيا وبعد الاسماعيلي نبدأ نشتغل لتونجيت ونقف على نقط الضغف والقوة لهم انا اختلفت والناس هاجمتني لان قولت مجموعة الزمالك اصعب وفي نجوم كبار قالوا لا اسهل واعتقد بعد المباراتين شافوا انهم فرق قوية مجموعتنا مجموعة قوية والصعود ان شاء الله يكون من نصيبنا
واستطرد : احنا بالنسبة لنا مع احترامي لكل الفرق كل المباريات واحده ومبنلعبش علي ضعف المنافس او ترتيبه في الجدول بل بنلعب بنظام وهدفنا الفوز وبنلعب كل مباراة على حده
