بعد تواجده في مران الزمالك .. محمد ابوالعلا يكشف عن الروح الجديدة بالفريق قبل مواجهة تونجيث

اكد محمد ابوالعلا مقدم برنامج زملكاوي عبر قناة الزمالك انه حضر مران الفريق الاخير قبل السفر الي السنغال وكان سعيد للغاية

حيث قال  : حضرت التدريب وحسيت بفرح وكان وحشني جدا ارض ملعب ابورجيله اللي كان حلمي زامورا لان من فترة مروحتش واللعيبة استقبلتني بشكل جيد وعجبني حالة التركيز وشوفت ورشة عمل كاملة، واللعيبة بتجهز ولعيبة بتدرب تدريبات فنيه وبدنيه شاقة

وتابع : وشيكا والونش بيتعالجوا وتدريبات استشفاء
والكل ركز وعندهم مهمة مش سهله ورايحين ياخدوا حاجه

وواصل : وفي حالة مرح وروح جماعية وكنت مبسوط بالروح دي وباخواتي الصغيرين وعجبني الالتزام والانضباط، ولفت نظري علاقة باتشيكو بالتدريب وفيه فرح ، وكابتن اشرف قاسم ف مكتبه بيجهز الامور الادارية شوفت ورشة عمل كامله وكل الامور منظمه وريحة النجيلة بتفرق

واضلف : واتصورت مع شيكا واخ صغير لي ودايما له جانب خاص لانه ابن الزمالك وصاحب القدم اليسرى وكنا شايفين ان امل لمصر ولاعب موهوب وعارف يلم الفرقة

واتم : وقولتله حرام الجيل ده مياخدش بطولات كتير واكد على كلامي ان اللعيبة دي تستحق تاخد بطولات والروح اللي بينهم ومستواهم الفني ، وزيزو والمثلوثي وفي روح من الناشئين ، وفي روح وثقه وتركيز حسيت انهم عاوزين يرجعوا بنتيجة ايجايبة