خالد الغندور : نعمة ان تكون زملكاوي .. والزمالك يحارب الشركة الراعية والاعلام

اكد خالد الغندور نجم الزمالك السابق ان الابيض قيمة كبيرة تدعو للفخر ويجب ان يسعد كل مشجعينه بالانتماء لهذا النادي كونه يصارع ليكون بطل

حيث قال الغندور : انا ابويا كان اهلاوي الله يرحمه لكن انا زملكاوي جامد ولما لعب في النادي زملكاويتي كبرت وفكرة انك زملكاوي فكره رائعة وهو حياتنا الزمالك ده نعمة من عند ربنا حتى اللون الابيض ولما تلاقي الاستديو ابيض كده حاجه جميله والابيض رمز السلام

وتابع : لما يختلفوا ف الصعيد بيرفعوا الراية البيضا وحمامة السلام بيضا وكمان ييقولوا ليلتنا بيضا
نعمة كبيرة اوي ان الواحد زملكاوي وطبيعي مرة نزعل ومره نفرح الزمالك هو الحياة وشرف لاي بنى ادم تشجيع الزمالك وفي ناس كبيرة اوي زملكاوية
والمنافس لنا شعبيته كبيرة وطاغيه انما تلاقي عباقرة وعلماء وفنانين ومهندسين وفي الطب بيشجعوا الزمالك

واستطرد : مصر التاريخ وخدت كام جائزة نوبل هما نجيب محفوط وزويل زملكاوية ، والهضبة عمرو دياب زملكاوي جامد وهاني شاكر امير الغناء العربي والكينج محمد منير ومدحت صالح، والست ام كلثوم كانت بتعشق الفن والهندسه

وواصل : السير مجدي يعقوب ايه الشرف ده وطبيب للغلابة االه يرحمه محمد مشالي ، وشجعوا الزمالك ليه رغم عدم حصوله على بطولات كتير حد يقولي ايه السبب والاجيال الجديدة بتشجع الزمالك رغم وجود نادي اخر عنده بطولات اكتر

واضاف : الزمالك بيصارع حتى يصبح بطل الشركة الراعية وعدم اعطاء الزمالك حقه وبيصارع ماليا اعلام يحاربه ومفيش حاجه سهله ولحد ما القناة اتوجدت وبتتحارب

واتم :  الزمالك مش مجرد مباني من ضمن الحاجات اللي تخليك مبسوط وسعيد ف حياتك وطبيعي انك تزعل ورجع تفرح وبدانا الموسم اللي فات وحش وكنا ماشين ف الدوي وحش، وكسبنا بعدها السوبر الافريقي والمصري ورجعت في انسحاب لا مش هتنسحب وتاجيلات انت مجلسك يتشال واتحاد الكرة يتشال واهداف تلغى بطولات تضيع منك بالتحكيم عادي بتعافر وتبقى زملكاوي كبير وتفتخر به