خالد الغندور يكشف خطة ادارة الزمالك لتمويل تجديد عقد فرجاني ساسي من خلال بيع قميصه

اكد خالد الغندور مقدم برنامج زملكاوي عبر قناة الزمالك انه تحدث مع المسئولين داخل ادارة الابيض واخطروه ان هناك خطة من اجل عمل ستور خاص يالنادي وسيكون اونلاين يتم بيع فيه قمصان اللاعبين منهم فرجاني ساسي وباقي زملائه

حيث قال خالد الغندور : جماهير الزمالك اقترحت امور لمساعدة النادي علشان التجديد لساسي سيبكم من اللي بيحفل عليكم احنا كلنا عائلة واحدة مشجعين وادارة ولعيبة احنا عيلة كبيرة، احنا كده كده هنجدد لفرجاني وبوعدكم المحلس هيجدد وايمن يونس وعبدالحليم متفقين معه وهو عاوز يجدد ومش هنجدد له علشان الهدف ومش محتاج جول علشان نقول لاعب كبير

وتابع : ساسي المحترف ولاعب منتخب تونس قعد على الدكة ومعملش مشكلة انا مبحبش اللاعب اللي بيكشر اللاعب الكبير يحافظ على فرقته سواء نازل او خارج وزي مانا نازل العب ربع ساعه انت لعبت 70 دقيقة ولازم نركز كلنا على قلب رجل واحد

واستطرد : كلمت ناس فى الادارة وقالو انه فيه فكرة عمل محلات علة الانترنت موقع من خلاله ، وزمان جماهير التالتة يمين وجماهير اخرى منافسه كانوا بيبعوا تيشرتات وكوفيات ويعملوا بفلوسهم بيعملوا دخلات

واضاف : ممكن تيشرت التمرين والكوبي اوالهاي كوبي ويكون موقع من لاعب او مني انا او كل اللعيبة وحضرتك تخش علي اسم فرجاني وتقول ممضي منه التمرين او الاصلي او الهاي كوبي اوتيشرت شيكابالا او ممضي من كل اللعيبة احنا نشارك بعض ونوفر موارد ماليه بره الادارة

واتم : اليوفي جاب نص فلوس رونالدو من التيشرتات ولازم نفكر ونطبقها ولسه قدامنا 5 او6 شهور لازم نبتدي نسوق الفكرة دي ونقف جانب النادي واي كلام من اي حد ويقلل منك قولهم ملكش دعوة احنا كعيلة مع بعض