خالد الغندور يكشف عن الخلاف الخفي بين احمد مجاهد ومحمود سعد الذى اطاح بالأخير من منصبه

اكد خالد الغندور مقدم برنامج زملكاوي عبر قناة الزمالك ان الخلاف بين محمود سعد مدير فني اتحاد الكرة واحمد مجاهد رئيس الاتحاد يرجع لتدخل الاخير في عمل سعد والغاء عدد من المسابقات

حيث قال الغندور : احمد مجاهد عيبه انه عاوز يخش ف كل حاجه وكلمته هي اللي تمشي ، كان جاي يقعد شهر ونص وهيعمل نظام معين للانتخابات وقعد لحد شهر يوليو

وواصل : مجاهد قعد مع محمود سعد وقاله تلغي ده ونعمل ده ونلغي 2000 و2004 وكل اولياء الامور واللعيبة تترمي ف الشارع وانا كلمتي هي اللي تمشي ومحمود سعد قاله انا مدير فني وده دوري انا وقاله خلاص هنفكر

وواصل : فوجئ محمود سعد بان المستشار القانوني قاله انك تتقدم باستقالتك ويعملوا لك حفلة وتاخد مستحقاتك قاله لا ،  قاله خلاص هتم اقالتك وشكلك هيبقى وحش قالهم مش ماشي عاوزين تقيلوني قيلوني

واضاف : راح الاتحاد بعدها بيوم فتحي غانم قالوا له خد حاجتك من مكتبك علشان عاوزين الاوضه ايه الطريقة دي  ؟ ومن يومين تم اعلان اقالة محمود سعد علشان مينفعش ميسمعش كلام احمد مجاهد

واستكمل : تواصل سعد مع سيد البنداري رئيس لجنة الانضباط وقاله لايصح ولايليق وتعرض احمد مجاهد لسيل من الهجوم وبعدها تراجع وقالك مش اقالة و هنعمل حفلة