رد الكابتن طارق يحيى المشرف على قطاع الناشئين في نادي الزمالك على حقيقة وجود مجاملات داخل صفوف القطاع، مؤكدًا أن هذا الكلام عارى تماًا من الصحة ولا أساس له على أرض الواقع.
وقال ” طارق” :” أحد المواقع ذكرت أن هناك غضب شديد تجاه فاروق جعفر وطارق يحيى وغانم سلطان انت كلمتنا علشان تعرف الحقيقه وكل الشكاوى كلام مرسل لما ولي أمر بيقول ابني كان مقيد من 7 سنين الشئون القانونية بعتتلي وانا رديت على كل شكوى”.
وأشار :”كل الشكاوى دي انا مكنتش موجود اثناء القيد الاول طب انت مجتش ليه يا اصحاب الموقع تقعدوا معنا وتسمعونا زي ما قعدتم مع أولياء الأمور
وأضاف “يحيى” في تصريحات له : “اشتغلت في قطاع الناشئين ايام مرتضى لو شافوا ان انا ماشي عوج كان مشاني وحاليا شغال مع ناس كبار جدا ومستمر”.
وتابع:”الغضب الشديد ازداد لما احنا صححنا الوضع ولما مشينا ناس لا تليق بالزمالك وأولياء أمورهم أعضاء بالنادي من سنين وانا ليس لي علاقة بعضويته من امتى انا لي علاقة بكفاءة الولد”.
وواصل :”عملوا مشاكل كتير وقالوا ولادنا احسن من ناس بتلعب طب الفرق في القطاع متصدرين الدوري وقطاع الناشئن منهم 6 مقيدين أفريقيا وفريق أول و5 أعيروا واخرين كان عندهم عروض إعارة مجانا ومجلس الإدارة رفض”.
وأكمل ” يحيى” :” كان المفترض الاخوه اللي قالوا الأخبار الكاذبة مينفعش تقول على هذه القطاع الناشئ واللي عامل طفرة ومصدر لعيبه للفريق الأول ولوفي مجاملات كانوا لعبوا… فعيب تكلم على فاروق جعفر كده وغانم سلطان وطارق يحيى”.
وأستطرد : “ارجو تسليط الضوء على مباريات الناشئين احنا لغينا المجاملات وفريق 2006 كان من مدرسة الكرة وتحول من براعم لبطولة جمهورية والقيد كان مفتوح الآن اصبح مقيد بعدد وكل اللعيبة اللي اختيروا بتوقيع المدير الفني للفرق
وأكد “يحيى” :” أن كل مايثار لن يوثر فينا وسنظل نعمل والكلام اصلح ماسخ وكلام عن الأعراض والذمم لو انت خايف على ابنك وديه نادي تاني ويتألق وخزق عنيه عملنا اكترمن لجنة وكنا بننزل لنفسنا نتفرج على اللعيبة ونفلترهم علشان نتحمل المسئولية مع الجهاز”.
وأتم :” الحملة ممنهجة وموجهه ومدبره لأننا شيلنا اباطرة من القطاع ومستوى الزمالك لازم يكون غير”.
