سؤال ناري من احمد عبدالحليم لباتشيكو بعد فوز الزمالك الصعب امام الاسماعيلى

وجه احمد عبدالحليم عضو الاستوديو التحليلي سؤال للبرتغالي جايمي باتشيكو المدير الفنى للفريق الأول لكرة القدم بنادي الزمالك حول تجميد اشرف بن شرقي وفرجاني ساسي

مؤكدا ان جلوس الثنائي علي دكة البدلاء امر غير مبرر ، مشيرا الى انه يبدا بتشكيل خاطئ ثم يقوم بالتعديل

حيث قال احمد عبدالحليم عبر قناة الزمالك : لازم الجهاز الفني يفهمنا ليه ميبداش بساسي وبن شرقي وليه اللعيبة المجمده دي

وواصل : ولما امام شارك مكان ساسي كان لعلة ،  اللي كان بيميز الزمالك انه كان له هويه وشخصية والنهاردة غابت بسبب تغييراته ف التشكيل ولما يوضح ليه غير في التشكيل مش عيب وعلشان يكون ف راحة وبنكلم واحنا كسبانين علشان ف اخطاء وكنا بنبقى خسرانين وفرحانين علشان فى اداء

وواصل : وياريت تقولنا ليه لعبت ف التشكيل، بنحترم شيكابالا ونتمنى نشوفه ف التيم لكن نعمل مقارنة بينه وبين اللي بيلعب مكانه

وتابع : ولما زيزو يكون عنده انعدام وزن ومستواه متراجع مغيرش مكانه والعبه في اكتر من مكان لا انا العبه ف مكانه

واضاف : انت مشكلتش التيم صح من الاول انت مغير واخد زي زيزو من الركائز وبيلعب ف غير مكان وبن شرقي مقعده

واتم : نحن تتحدث عن السلبيات علشان انت متصدر الدوري وبنافس علي الدوري ولازم نتكلم ومنفقدش نقاط