سيف زاهر يكشف لفتة طيبة من شيكابالا تجاه الأزمة المالية في الزمالك – فيديو
كشف الإعلامي سيف زاهر أن محمود عبد الرازق شيكابالا قائد نادي الزمالك، أجل الحصول على مقدم التعاقد معه خلال الفترة الحالية لتوفير موارد مالية للنادي لمساعدة اللجنة الحالية في إدارة النادي.
وكان شيكابالا قد جدد تعاقده مع نادي الزمالك خلال الفترة الماضية ليستمر في قيادة الفارس الأبيض لمدة موسمين إضافيين.
و قال “سيف” :” موقف شيكابالا عمله قبل كده جنش، علشان كده الحب مش من فراغ وجمهور نادي الزمالك مش بيعشق شيكابالا من فراغ”.
وأضاف “سيف” خلال تقديمه حلقة جديدة من برنامج ” ملعب أون” على قناة ” أون تايم سبورت” : شيكابالا معملش فلوس كتير من الكورة ودايما عقده كان فيه مشاكل وغرامات”
وتابع :” شيكابالا لا يجيد التحويش، وحتى لو فاضلة سنه او اتنين فى الزمالك كان بيدخل بيمضى على بياض من غير أى شروط على النادي وكان بيسيب التقدير المالي للإدارة”
وواصل :” هيفضل شيكابالا اسمه يتقال في المدرجات زى بقية أساطير نادي الزمالك زى فاروق جعفر وحسن شحاته وحازم إمام وغيرهم من النجوم، والنجوم والحب مش بالترقيص أو الأكش ده بيكون بالعطاء، والتضحية للنادي اللى بلعب فيه”.
وأكمل ” سيف” :”لما بتضحى بتاخد جزء من المقابل سواء من المال أو الحب أو الجماهيرية الكبيرة بين الجمهور وسيظل شيكابالا هو شيكابالا ويستحق أن يكون من عشاق نادي الزمالك لمواقفه”
شاهد:
