طالع تصريحات ثنائي حراسة مرمى الزمالك الشباب فى قناة الزمالك بعد قيدهم بالقائمة الافريقية

ابدي احمد نادر السيد حارس الزمالك الشاب سعادة كبري بقيده في قائمة الزمالك الافريقية ، مشيرا الي انه عقب اخطاره بقيده فى القائمة تم ايقاف المران من اجل الإحتفال بيه

حيث قال احمد نادر في تصريحات لقناة الزمالك : كنت بتصعد من الموسم اللي فات لكن مع المستبعدين انما هذا الموسم صعدت من شهر

وتابع : ووجودنا معهم بيحسسنا اننا مش ناشئين ويتعاملون معاملة الكبار ومفيش تمرين بيعدي لازم يعطونا نصيحه وابوجبل وجنش وعواد دايما بيوجهونا وكاننا هنلعب في اي وقت

وواصل : لما كابتن عمرو قالنا في التمرين هنتقيد افريقيا وقفوا التمرين وباركوا لنا وانا من شهرين بدرب مع الفريق انا كنت عارف ان مش تقيد السنة دي

واتم : وكابتن عمرو عبدالسلام قالي هتتقيد افريقيا وكابتن اشرف قاسم قالي هتوقع وهتاخد كام وبعدها وقعت على بياض والامر انتهى في ساعتين

ومن جانبه ، اكد سيد عطية حارس الزمالك الناشئ ان مدحت عبدالهادي من اخطره بتوقيع عقد احتراف مع الزمالك وكان سعيد للغاية بالتواجد مع الفريق الاول

حيث قال حارس الزمالك مواليد 2001 :  كابتن عمرو عبدالسلام دايما يقولنا اتعلموا من جنش وعواد وابوجبل

وتابع : كنت مع المنتخب في تونس ولما رجعت انتطمت ف التدريبات اتفاجئنا ان في13 لاعب مصاب بكورونا في منتخب الشباب وبعدها تم اخطاري باصابتي

وواصل : لما روحنا الملعب قالوا للحارس انت مصاب بكورونا احنا كنا عاوزين نكمل وكان في اجراءات احترازية بنطبقها ولكن في تونس الفيروس منتشر واحنا المنتخب الوحيد اللي اتصاب

واتم تصريحاته : كابتن مدحت عبدالهادي هو من اخبرني بتوقيع عقد مع الزمالك