طبيب الزمالك يكشف الاجواء في السنغال وفندق الاقامة قبل مواجهة تونجيث – فيديو

اكد محمد اسامة طبيب الزمالك المتواجد بالسنغال ان الامور تسير بشكل جيد قبل استقبال بعثة الفريق وفندق الاقامة جيد

حيث قال دكتور محمد اسامة طبيب الزمالك من السنغال: الأجواء هنا كويسة والفندق كويس وقعدنا فيه السنة اللي فاتت والأمور سهله وجيت أتابع الإجراءات الإحترازيه قبل وصول البعثة، الأمور ماشيه كويس وتم تعقيم أوض اللعيبة بالكامل وقفلت كل الأوض علشان محدش يدخلها نهائى.

وواصل :  في حظر تجوال هنا من الساعة 8 وموضوع الكبسولة صعب تطبيقه فى فندق زى اللى هننزل فيه، بنحاول نشدد الإجراءات أن يكون لنا مطعم لوحدنا ومكان إجتماعات والحمد لله أننا هنقعد هنا فترة قصيرة.

واستطرد :  الونش أخد كدمة شديدة وركبته ورمت والتقييم النهائى كان النهاردة وكان لازم إستبعاده بسبب الإصابة، والونش من اللعيبة الرجالة مش بيطلع من الملعب أو مش بيشارك مع الفريق إلا لو فعلاً مش قادر بجد.

واتم : حازم إمام سليم ومعندوش إصابات بس الجهاز الفنى ممكن يكون بيريحه، وبشكر سفيرة مصر فى السنغال والقنصل على تسهيل مهمتنا فى السنغال خلال الساعات الماضية.