عمر ربيع ياسين يكشف كواليس أزمة أحمد مجاهد مع محمود سعد وتصرف الأول الغير لائق.. صورة
كشف الإعلامي عمر ربيع ياسين عن كواليس أزمة محمود سعد المدير الفني للاتحاد المصري لكرة القدم مع أحمد مجاهد رئيس اللجنة الثلاثية التي تدير شئون اتحاد الكرة.
وكتب عمر ربيع ياسين عبر حسابه بموقع “فيس بوك”: “نحكي حكايه دكتور محمود سعد للناس عشان تعرفوا الكوره في مصر ازاي بتدور”.
وتابع: “الراجل المحترم مدير فني للاتحاد المصري لكره القدم و محاضر فني في الإتحاد الافريقي و راجل بيعمل علي اكمل وجه”.
وأضاف: “الاستاذ رئيس اللجنه الاحاديه اللي طبعا مفيش حد بيحاسبه قرر و فجاه انه يبعت بعض الاشخاص يبلغوا دكتور محمود سعد انه يقدم استقالته بالذوق و ياخد باقي مستحقاته و يتعمله حفله و كل الهجص ده”.
واستمر: “طبعًا الراجل رفض و قال انا ليه استقيل و انا بعمل شغلي علي اكمل وجه و طبعا الكلام لما وصل للاستاذ معجبوش الكلام و اذ فجاه دكتور محمود سعد يلاقي حد بيقوله عايزيين مفتاح مكتبك و ياريت تفضي المكتب من متعلقاتك عشان طلع لحضرتك قرار اقاله”.
وواصل: “وعشان ينتقمً اكتر و محدش يقوله انت اقالته ليه وًحتي لو دكتور محمود طلع و اتكلم طلعله ورقه بتقولً انً تمت اقالته و وقف مستحقاته لحين الانتهاء من التحقيقات الخاصه بمنتخب الشباب وًهو اصلا مش طرف بدل ما الراجل المحترم يتكرم و يتقاله شكرا بيتعمل فيه كدا”.
واتم: “وده اللي بيدير الكره المصريه من فشل لفشل لفشل طبعا حقه محدش بيحاسبه”.
