محمد ابوالعلا يفتح النار علي الصحافة بعد البوست المسئ عقب تعادل الزمالك امام مولودية الجزائر : اتكلم بأدب

انتقد محمد ابوالعلا مقدم برنامج زملكاوي سخرية الصحافة من تعادل الزمالك امام مولودية الجزائر بدوري أبطال أفريقيا

حيث قال ابو العلا : جريدة الدستور نزلت بوست فيه سخرية على الزمالك تجعل كل زملكاوي يشعر بالدهشه هل هي جريدة فئوية ولو هي كده تقول انا دستور كذا لكن تهين الزمالك وفكرة انك تذكر الزمالك مش هتزوده لو انتقدته مش هتنتقص منه شئ ولو اشدت به لن تضيف له شئ الزمالك

وتابع : لازم تكلم على الزمالك بأدب وموضوعيه ولازم نحط سبوت على البوست انا مش محتاج اقولك ان انا كبير والصغائر مش هبص لها

وواصل : البوست في سخريه والصورة فيها تهكم انت بتكلم عن بطولة افريقيا لما تحط عنوان خاص ببطولة اخرى وملناش علاقه بها لكن اللي حصل ملهاش غير مسمى واحد وهو كيد نسا انت ربطت ليه بين البطولتين

واستطرد : موقفك ايه لو الزمالك تصدر المجموعة والنقطة اللي اخدها تخليه اول المجموعة، انت المفروض تدعم الفرقه مش تسخر منهم وتنال منهم
الكلام عن ان الزمالك خسر نقطتين

واستكمل : كلنا زعلانين هو انا لازم مشوفش حارس مرمى الفريق اللي قدامي ومهاجمش علشان تباركوا لنا، انت المفروض تتتكلم بشكل مهني انت عاوز ترتقي بلغة الحوار ومحتاج تكلم بمهنية وتكلم عن الزمالك باحترام

واضاف : اتمنى من الجريدة تصدر بيان او اعتذار عن ما تم نشره انا سكت من اول ما نشر لكن انت بتبحث عن الشهرة هنا تعرف حجمك كويس وتعرف حجم الزمالك، ولازم توضح ولو المسئولين ف الجريدة بيتعاملوا بمهنية انهم يكونوا مش جريدة فئوية او لوانت فئوي تقول