محمود جنش : انا ماعملتش فلوس من الزمالك لحد دلوقتي و عقدي كان فئة ثالثة ،،، و أهم حاجة عندي حب الجمهور
أكد محمود جنش حارس مرمى نادي الزمالك أن قيمة عقده مع القلعة البيضاء قليل للغاية و كان يتساوي مع محمد صبحي حارس الفريق المعار إلى الإتحاد السكندري .
و قال جنش في تصريحات تلفزيونية : ماعملتش فلوس من نادي الزمالك ، و كان أهم حاجة عندي حب الجمهور اللي هو في صهري دايماً .
و تابع : ماعرفتش أساعد أخواتي ولا أهلي ماديًا بسبب قيمة عقدي الضعيفة ، و انا كنت المفروض هاكون فئة أولى ، و لاقيت نفسي فئة تالتة و ماتكلمتش.
و أضاف : لما إتصابت مع منتخب مصر ، المنتخب و إتحاد الكرة هما اللي عالجوني ، و كان نفسي الزمالك هو اللي يعالجني، و بعد كده ياخد فلوس علاجي من إتحاد الكرة ، بس كنت ألاقي التقدير من الزمالك .
و أتم تصريحاته قائلاً : زعلت جداً من موقف الزمالك خلال فترة العلاج ، عشان حسيت إن مفيش التقدير و كنت بتعامل مع طبيب المنتخب عالطول ، و كان نفسي التعامل يكون مع الزمالك .
محمود جنش: فلوسي القليلة مع الزمالك خلاني ماعرفش أساعد أهلي واخواتي#اللعيب #MBCMASR
لو بتحب الكورة والرياضة تابع كواليس وأخبار الكورة المصرية مع اللعيب من هنا :https://t.co/bguh9pRpoc pic.twitter.com/bkgfaktdd5— MBC مصر (@mbcmasr) February 12, 2021
محمود جنش : جمهور الزمالك عندي في المرتبة الأولي ،،، و هذا موقفي من إحتراف مصطفي محمد
