اكد المستشار هشام ابراهيم نائب رئيس اللجنة المؤقتة لإدارة الزمالك ان النادي بخير ويعيش حالة جيدة بعد تسديد رواتب الموظفين
واشار الي انه ستصل دفعة جديدة من الملابس للفريق خلال يومين قبل مباراة مولودية الجزائر في افتتاح دور مجموعات دوري أبطال أفريقيا
حيث قال : الزمالك بخير طول مافيه رجال مخلصين الايام اللي فاتت تم صرف مقدمات عقود اللاعبين في كل الالعاب ومرتب الموظفين حوالي40 مليون جنيه وكل الامور ع ما يرام وجميع الالعاب والسباحة مفيش قطاع الا لما صرف
وواصل : الزمالك بخير وبنحاول ندبر موارد ماليه وبطمن الجمهور اذا كان ف بعض الصعوبات بنحلها والامور بتمشي وربنا بيكرمنا
واضاف : فيه بعض الشركات عرضت علينا ملابس كتبرع للنادي وفي ملابس هتيجي للفريق خلال يومين علشان افريقيا وكل امور فريق كرة القدم .مجابة وكل الالعاب والامور ماشيه ومستقرة وعندنا شغالين ف هيكلة الامور الادارية والفترة القادمة هيكون في هيكلة ف قطاع الناشئين ربنا بيكرمنا طالما النية خالصة
واتم : امور التيشرتات عرض عليها المسئول عن التسويق وتم النوافقة والماركة الجايه لاتقل عن اللي بيلبسها الفريق الزمالك مش قليل علشان.منلبسش ماركة مش عالميه دي واجهة الزمالك واحنا منتبهين له ومش هنقبل باقل من ده
