هشام ابراهيم نائب رئيس الزمالك يوضح حقيقة رفض فرجانى ساسي تجديده عقده مع الفريق
اكد هشام ابراهيم نائب رئيس الزمالك انه حزين بسبب الشائعات المنتشرة بهدف تصدير ازمة في ملف تجديد عقد فرجاني ساسي مع الفريق
واشار الي ان كل مايتردد انباء ليس لها اساس من الصحة ويطالب بإستنقاء الاخبار الخاصة بالقلعة البيضاء
حيث قال : الكلام كتير عن ساسي وفي تصريحات بتخرج على لساني انا مقولتهاش اللي عاوز يعرف حاجه يرجع لنا او للمتحدث الرسمي
وتابع : القصة متقفلتش مع ساسي ونرغب بالتجديد له لانه معشوق الجماهير ولاعب جيد وخلال ايام يكون فى اخبار جيدة ، ادارة الزمالك ترغب في التجديد له ولاعب مهم بس يكون فى الوقت المناسب وحسب الامكانيات الماليه وموافقة اللاعب
واستطرد : هو بيعشق الزمالك وبيرغب في التجديد للزمالك لكن الامور يكون فيها توازن واتمنى يتم في الايام الجاية والامور الماليه وقف للمتاح ومعنديش معلومة عن رفضه واستنقوا الاخبار من اللجنة مش تقولي مصدر بالنادي خلينا في التصريحات اللي بتطلع من مصدر معلوم او اللجنة اوالمتحدث الرسمي
والزمالك له قناة محترمه ومن خلالها هنعلن ايه تم وايه حصل
واستطرد : طلبنا تأجيل مباراة حرس الحدود لاننا رايحين نلعب باسم مصر ومفيش حاجه وصلت رسمي بالموافقه على التأجيل احنا كمجلس قررنا السفر بطائرة خاصة علشان مرهقش لعيبتنا وعلشان كورونا كمان وبتنواصل مع بعض الشركات لتوفير طائرة خاصة لكي تليق بالزمالك وبندرس العروض من حيت العروض المالية والخدمات الموفره وبنحافظ علي فرقتنا ونوفرلهم المناخ المناسب
