اكد ابراهيم عبدالله عضو اللجنة التنفيذية بنادى الزمالك ان هناك عمل كبير من اللجنة المؤقتة لإدارة الزمالك من جانب انهاء الازمة المالية وانعاش خزينة النادي
حيث قال : احنا مش طالعين مع البعثة انا وطارق حشيش المدير المالي، و سافرنا لمساندة الفريق كمشجعين ومش مسئولين وانتمائنا للنادي كبير انا موجود فيه من 8 سنين
وواصل : ساسي لاعب مهم ولكن كل تركيزنا على المباراة ورغبة مجلس الادارة وساسي واحده ، وانا كجمهور اتمنى استمرار ساسي وطارق وشيكا
واضاف : احنا بنحاول نحل الازمة المالية بحلول غير تقليدية وهنلعن عن مشروعات برعاية الوزير اشرف صبحي هو وزير رياضة مصر مش الزمالك بس هو بيدعمنا وينشكره
واستكمل : بنراجع كل اللوائح والقوانين علشان نعمل مشروعات تساعد النادي، هدفنا ان الزمالك يكون رقم واحد والجماهير بتحبه علشان الزمالك
واستطرد : وخطط مجلس الادارة محدش بيعمل حاجه لوحده ولكن واخد عنده ملف و2 و3 وبنقعد في النادي10 ساعات، بنتمنى الفوز لفريقنا ودايما يكون الزمالك مصدر السعادة لجماهيره ومصر
واتم : الزمالك خسر بطولات كتير باخطاء تحكيمية احنا مش بنعلق خسارتنا علي حد جمهور الزمالك ذواق بيهمه الاداء والفوز ومعتقدش ان اللعيبة بتفكر ف الحكم بل بتفكر ف الاداء والفوز والي بيحط حجج مبيكسبش وان شاء الله نعمل نتيجة ايجايبة
