احمد عبدالفتاح يفتح النار علي اتحاد السلة والاهلي ويكشف فضيحة التلاعب باللوائح لخدمة الأحمر – صورة

انتقد احمد عادل عبدالفتاح عضو مجلس الزمالك السابق تفصيل اللوائح من جانب اتحاد كرة السلة لخدمة الاهلي ، مؤكدا انه يتم حضور جماهير في مباريات الاهلي بحجة ان الفريقين موافقين علي قرار حضور الجماهير

حيث كتب عبر حسابه الشخصي فيس بوك :  كل مباريات السلة دخلها جمهور… عايز تطبق اللائحة دلوقتي ؟؟ لماذا لم يتم تطبيق اللائحة في المباريات السابقة ؟ اوعي حد يقولي ان مافيش فريق اعترض قبل كده علي وجود الجمهور … ازعل اوي بجد….
اقولك ازعل ليه…. عشان المفروش ان اتحاد اللعبه مسؤوليته وضع النظام العام للمباريات و الاشراف علي تطبيقها…. يعني لازم تطبيق اللائحة علي كل المباريات…. تاني….

وواصل : و ماحدش يطلع يقولي ان مافيش فريق اعترض قبل كده…
عشان حضرتك ماينفعش فريقين يتفقوا علي خرق النظام و حضرتك تسكت….. او نلعب في الشارع احسن…. لو في نظام موجود لازم حضرتك ك اتحاد اللعبه تصر علي تطبيقه… دون النظر للفريقين اللي هيلعبوا…. يتفقو مايتفقوش مش قرارهم.##

واستكمل : ملحوظه هامه : مكتوب في اللائحة المباريات بدون جمهور … و لا يوجد بند : الا اذا اتفق الفريقان…..

واستطرد : و في الاخر كان الحضور لا يتعدي ال 50 فرد و كلهم اما ناشئين النادي و كباتن كرة القدم في النادي ( معتزلين و حاليين ) و يطلع النادي المنافس اللي بيقولوا عليه كبير و يقولك شيكابالا يطلع بره….. عيب عليكم يا مدعيين الاحترام….

واتم : موقف مخزي مايطلعش من مركز شباب…… يعني مركز شباب الاقصر اللي حطيته عليه يافطتكم مايعملش كده….