كشف المستشار عماد عبد العزيز رئيس اللجنة المكلفة لإدارة نادي الزمالك، عن خطط اللجنة لتنمية موارد النادي خلال الفترة المقبلة، مشيرًا إلي أن اللجنة تسعى لتوفير عدة موارد مالية للنادي.
وقال ” عبد العزيز” :” إن شاء نقدر ندخل أرقام كبيرة خلال الفترة القادمة للنادي والمتوقع والمأمول أن دخل النادي يكون حوالى 500 مليون من المصادر المختلفة”.
وأشار :” العضويات اللى كانت مشطوبة لم يكن قرار رجعوها نابع من منطلق شخصي وتعاملنا مع الملف بجدية لأنه كان ملف شايك جدًا، وشكلنا لجنة لبحث العضويات المشطوبة من الناحية القانونية”.
وأضاف ” عبدالعزيز” خلال استضافته في برنامج ” ملعب اون” على قناة ” أون تايم سبورت” :” قلنا احنا منعرفش حد واللى يحكمنا هو ضميرنا فقط بعيدًا عن الأسماء، وهل الشخص ده ليه حق ولا لا سواء صادر ليه حكم ولا لا، وده معناه اننا ملناش أجندة وملناش مصلحة غير مصلحة الزمالك “.
وتابع :” مفيش أي حد قدم مساعدة للزمالك أو حتى جه حتى قال عايزين حاجة إلا عضو من الجمعية العمومية كان عايز يتبرع بمبلغ 5 مليون جنيه للمساهمة فى تجديد عقود أحد اللاعبين، واحنا قلنا له متشكرين والنادي غنى”.
وأتم رئيس اللجنة المعنية في الزمالك :”فيه عضو تاني كان عايز يتبرع بـ 400 ألف جنية الشهر اللى فات ورفضنا ده لأننا لا نقبل التبرعات”.
