باتشيكو يخرج عن صمته ويتحدث عن أنباء رحيلة عن الزمالك وتعاقد اللجنة المعنية مع كارتيرون

علق البرتغالي جايمي باتشيكو المدير الفني لنادي الزمالك على أنباء رحيله عن تدريب الفريق خلال الساعات القادمة، وتولى الفرنسي باتريس كارتيرون الإدارة الفنية للفريق.

ومن المقرر أن تعلن إدارة نادي الزمالك خلال الساعات القادمة عن رحيل البرتغالي جايمي باتشيكو وتولى الفرنسي باتريس كارتيرون الإدارة الفنية لنادي الزمالك، بعد فسخ تعاقده مع نادي التعاون السعودي.

وقال “باتشيكو”:” معنديش أي معلومة بشأن تولي مدير فني جديد أعرف تساؤلاتكم جيدا ولكن محدش كلمني في اي حاجة ومستعد اجي التدريب بكرة عادي جدا”.

وكشف “باتشيكو” :”أنا موجود بقالي 5 شهور والنادي لم يتعاقد مع أي لاعب طلبته ولكن بعض اللاعبين الموجودين خاصة الصغار هم مستقبل النادي”.

وأضاف “باتشيكو” في المؤتمر الصحفي عقب لقاء سيراميكا :”كل اللاعيبة اللي طلعت اعارة كان بمعرفتي وموافقتي .. أرضية الملعب مش جيدة حتى انا اتصابت”.

وتابع :” صعب اتعامل مع 34 لاعب في تدريب واحد ورغم كدة بحاول اتعامل انا حياتي بتبدأ كل يوم في النادي من 1 لـ 7 وبحاول انظم الشغل .. في لاعيبة بيلعبوا كويس بس اللعب على البطولات بيعمل ضغوط أكبر”.

وواصل :” أوقات كتير بتتكتب أخبار وأنا بستغل الحديث النهاردة عشان اوضح اني فعلا وافقت على رحيل اللاعبين، والاحترام بيني وبين اللاعبين سبب اني اركز في مباراة سيراميكا رغم أنباء التعاقد مع مدير فني جديد”.

وأتم :” كل لاعيبة العالم بتبقى زعلانة لما بتتغير ومحمد صلاح مثلا بيزعل لما بيتم تغييره في ليفربول وانا كنت لاعب وكنت بزعل لما بيتم تغييري”.