تصريح ناري من نائب رئيس الاتحاد السكندري : “لن نقبل بتنفيذ مخطط الأهلي في إسكندرية” – فيديو
أكد عز الدين حسين نائب رئيس نادي الاتحاد السكندري السابق، على رفضه فكرة افتتاح فرع للنادي الأهلي داخل الإسكندرية، مشيرًا إلي أن الأهلي يمتلك أكاديمية للناشئين داخل المحافظة.
وتساءل ” عز” :” هل الأهلي عايز يعمل فرع جديد علشان يكون عنده فرع ” أ” في القاهرة وفرع ” ب” في إسكندرية وفرع ” ج” في الأقصر ، وده شيء غير مقبول من شعب إسكندرية لأنه بيستفز”
وأشار :” محدش ينكر إن الأهلي هو الأفضل في الشرق الأوسط وأفريقيا وصاحب الإمكانيات الأكبر، وفيه كل المميزات حتى الحكومية”
وأضاف “عز” في تصريحات لبرنامج ” في الجول” مع الإعلامي أحمد جمال على قناة ” الحدث اليوم” :” الاتحاد السكندري هو إسكندرية، واسكندرية يعنى الاتحاد، وكان زعيم الاتحاد مصطفى كامل”
وتابع :” الاتحاد بني على الكرامة، ومفيش ما يدعو إننا نغير هوية الأندية، ومش فاهم ايه الغرض أو الميزات اللى هتعود على الأهلي بافتتاح فرع في الإسكندرية، ووجوه في إسكندرية فيه مضايقة و استفزاز للجمهور وشيء غير مرغوب فيه ”
وأتم:” لو الأهلي عايز يعظم موارده ويفتح فرع للإستثمار الرياضي ده موضوع تاني، لكن فكرة إنشاء فرع تاني غير مقبولة، وهتخلى جمهور الأهلي في اسكندرية اللى بيشجع الاتحاد في نفس الوقت يكره الأهلي”
مصيلحي يرفع راية العصيان في وجه الخطيب: لن نسمح لهم بذلك الأمر .. هذا لم يحدث في العالم
شاهد:
