اكد حسين عبداللطيف نجم الزمالك السابق انه يعرف مدافع بالدرجة التانية لا يقل كفاءة عن محمود حمدي الونش ويرشحه للتواجد في الابيض
حيث قال حسين عبداللطيف عبر قناة الزمالك : اعرف سيرد باك لايقل عن الونش اتمنى تواجده فى الزمالك وفي لاعب ف الشرقية للدخان وفى المنيا موهبة غير عادية وبيلعب تحت رأس الحربة ويلعب في الزمالك
وواصل : كان زيزو فين وهو حديث الساعة ورقم واحد في الزمالك والمنتخب فى مركزه حاليا
واستطرد : احنا عاوزين نخدم الزمالك ممكن اقولك 3 او 4 لسماء تمنهم ميجيش مليون جنيه وبعد سنه او2 تمنهم يوصل 10 مليون، لازم نجيب لعيبه ونصبر عليها وبشغل 3 شهور وملتزم هيبقى كويس
ووجه رسالة للاعبين الحاليين :انتم من افضل الاجيال بالزمالك ولو شوية روح وتكاتف واصرار والله العظيم ماحد يقف معهم لا في مصر ولا في افريقيا
وواصل : وبتفرج عليهم بعين المحب للعاشق والمدرب وبقيم وتقييمي لهم انهم من افضل الاجيال لكن محتاجين انهم يقعدوا مع بعض بعيد عن المجلس ولو اللعيبة عاوزه تعمل حاجه هتعمل
واشار : جماهيرهم زعلانه منهم وعندهم كتير يقدموا ، اه في بعض الاخطاء البسيطة بتشيكو يصححها مع تكاتف اللعيبة هنقدر نعمل حاجه باذن الله
