رفض الإعلامى خالد الغندور فكرة صرف مكافأة لمنتخب مصر بعد ضمان الصعود لنهائيات كأس الأمم الأفريقية.
وتأهل منتخب مصر إلى نهائيات كأس أمم إفريقيا بعد التعادل في الجولة الماضية أمام كينيا، وسيرافقه جزر القمر من نفس المجموعة.
وقال الغندور فى برنامجه “اللعبة الحلوة” عبر إذاعة أون سبورت إف إم، “مينفعش نصرف مكافأة لمنتخب مصر عشان اتأهل لكأس الأمم الأفريقية من بين 24 منتخب فيها منتخبات ضعيفة للغاية”.
وأضاف: “بنصرف مكافأة عشان اتأهلنا لكأس الأمم الأفريقية أومال لو صعدنا لكأس العالم هنعمل إيه، عيب بجد ياجماعة”.
وتابع: “شخصية منتخب مصر مش موجودة طوال التصفيات ظهرت مرة واحدة فى مباراة توجو لما كسبنا بالثلاثة غير كده مفيش اتعادلنا مع كينيا رايح جاى واتعادلنا مع توجو وجزر القمر، تخيل جزر القمر كانت أخطر من منتخب مصر واتعادلت معانا سلبياً”.
واختتم: “مباراة الليلة مش تحصيل حاصل لازم نكسب عشان التصنيف وعشان نحسم صدارة المجموعة، والملاحظ للبدرى هيتأكد أنه قولا واحدا غير مقتنع بمحمد الننى ولا طارق حامد، وبيحاول يشاركهم على فترات عشان الغضب الإعلامى، البدرى عنده حمدى فتحى رقم 1 فى خط الوسط ثم عمرو السولية ثم طارق حامد ثم محمد الننى، وقبل مباراة كينيا قعد مع الننى والسولية وقالهم مش هتلعبوا بشكل أساسى”.
