انتقد خالد الغندور مقدم برنامج زملكاوي عبر قناة الزمالك امير مرتضي منصور المشرف علي الكرة السابق بالقلعة البيضاء ، بسبب تكاسلة في ازمة اتشيمبونج وتغريم النادي مليون و100 الف دولار بسبب عدم حضوره الجلسة كممثل للأبيض
حيث قال : اتشيمبونج اتحكم علينا بسببه مليون و100 الف دولار ، اتشيمبونج مالوش اي حق في الزمالك وبسبب كسل مسئول الزمالك يتحمل 20 مليون جنيه ، هو جه من الداخلية وكنت وقتها بقول لا يليق بالزمالك
وواصل : انا قصير ومكنتش بلعب مهاجم وهو كان قصير ولا يصلح لمركز راس الحربة، لعب اول ماتش احرز هدف ومتوفقش وبعدها اصيب
واشار : وبعدها سافر بلده اتعالج طب شعبي رجع اكتشفوا ان العضلة الامامية مقطوعة وكانت كارثة دكتور طارق سليمان ، حاول يرجع مخفش وقعدوا معه واخد مستحقاته بقية السنة ومضى على تخليص حق واخد مستحقاته وصوروه فيديو وهو بيشكر الناس والنادي وانه حصل علي امواله وكان معه وكيل وبعدها قالوا انهم مجبورين على الفيديو
واضاف : المحكمة ومحامي الزمالك ومحامي اللاعب الزمالك كسب القضية واتحكم انه مالوش ولا مليم
وهو استانف الزمالك راح بمحامي اجنبي وكسبناها تاني في الاستئناف ومفيش حاجه اسمها اجبرك
والمحامي الاجنبي طلب مستحقات ورفض المسئول واتحولت للمسئول كل الاوراق
وقال : المفروض المسئول يرد على الايميلات ولا بعت محامي والمحكمة اعتبرت عدم احترام لها وحكمت مرتين انه مالوش ولا جنيه طب عليكم مليون و100 الف دولار وهو مالوش ولا اي حاجه
واستطرد : ونتيجة اهمال مسئول اتغرم الزمالك مليون و100 الف دولار ، وشيكا غرامة 800 الف
وقد يتم تاكيد حكم حمدي النقاز ومعه ورقه من النادي انه لازم يقبض كل شهر الزمالك
