رئيس الزمالك يعلق علي الفرص المهدرة للاعبين ويكشف عن رسالته لهم بعد التعادل امام دجلة – فيديو

اكد اللواء المستشار عماد عبدالعزيز رئيس الزمالك انه حرص علي التحدث مع اللاعبين عقب التعادل امام وادي دجلة وقدم لهم الدعم والمساندة

حيث قال اللواء عماد عبدالعزيز من فندق اقامة الزمالك بتونس : احنا شدينا من ازر اللعيبة وليس التعادل نهاية المطاف كل الفرق بتتعادل وتفوز وتكسب

وواصل : والدوري لسه طويل واحنا لسه الاول احنا فى ضهرهم ولازم نوصلهم لده ومفيش تخاذل ولا في دماغهم الكلام ده ولما تشوف عدد الفرص اللي ضاعت في اخر3 مباريات تونجيت والمولودية ودجلة احنا بنوصل كل دقيقه وده عدم توفيق

واشار : ليس هناك تخاذل من اللعيبة واحنا فى ضهرهم وبأكد على هذا ، وحالة الفريق جيدة جدا تركيز عالي جدا جدا ومصممين علي حصد ال3 نقط والمكسب ان شاءالله وربنا يوفقهم باذن الله

واضاف : بشكر السفير ايهاب فهمي علي استقبالنا في المطار وكل افراد السفارة وده مردود ايحابي على البعثة وبيعطيهم حافز ان الدولة كلها مع الزمالك

واتم : لاعبي الزمالك كانوا سعداء بتواجد السفير المصري ايهاب فهمي في التدريب اليوم