هاجم الإعلامي سيف زاهر لاعبي الفريق الأول لكرة القدم بنادي الزمالك عقب خسارة الفريق أمام الترجي التونسي، في دوري أبطال أفريقيا، مشيرًا إلي أن اللاعبين كانوا خارج مستواهم الفني.
وخسر الفريق الأول لكرة القدم بنادي الزمالك من نظيره الترجي التونسي بثلاث أهداف لهدف، في المباراة التي جمعت الفريقين على ستاد رادس، ضمن منافسات الجولة الثالثة لدور المجموعات بدوري أبطال إفريقيا.
وقال ” زاهر” : ” محدش النهاردة يقنعني إن أداء الزمالك مفهوش حاجة غلط، وكل اللى قالة باتشيكو بعد المباراة، مش مقتنع، والزمالك كان موجود في الشوط الأول”
وأشار :” الزمالك في الشوط الثاني خسر كل حاجة شخصيته وشخصية الفريق البطل، وسبكم من حته اللمسة الأخيرة اللى مش موجودة وأن الفريق يعاني من غياب المهاجم ”
وأضاف ” زاهر” خلال تقديمه حلقة جديدة من برنامج “ملعب أون” على قناة ” أون تايم سبورت” :” باتشيكو كان الحاضر الغائب ومقدرش يرجع في اللقاء، وتصريحاته لا تعبر عن المباراة، والزمالك بقالة فترة بعيد عن مستواه الحقيقي، والنهاردة مكنش فيه سيطرة أو لمسة أخيرة “.
وتابع :” إدارة الزمالك قررت وجود عقوبات على اللاعبين وسيتم فتح الملف فى اجتماع طارئ لبحث وضع الفريق، والفريق فيه حاجة مش مظبوطة والفريق مش مركز وكل لاعب هرب بتفكيره لأمور أخرى”.
وواصل “سيف” :” محدش يقول إدارة حالية وإدارة سابقة وكل لاعب دلوقتى لما بيجيب جون يقول عاوز اعدل عقدي، وفين حق الزمالك على اللاعبين في الملعب، واللاعبين لازم تعبر عن نفسها”
وأكمل :” الإدارة الحالية لم تبخل عن أى شيء عن الفريق وتم حل كتير من المشكلات المتعلقة بالفريق، والإدارة السابقة عملت شغل كويس للفريق، واللاعب دايما بيرمى الشماعة على حتة تانية”
وأتم ” زاهر” :” الخسارة مش نهاية العالم وفيه امل وحلول ولازم كل لاعب يقفل على نفسه وميفكرش في الفلوس والإدارة، وده مش أداء نادي الزمالك اللى كان موجود قبل كده ولازم اللاعيبة تحاسب نفسها”.
شاهد:
