لا صوت يعلو فوق صوت إيقاف “الهارب” محمود عبدالمنعم كهربا داخل النادي الأهلي عقب الأزمة التي نشبت بينه وبين المدير الفني الجنوب إفريقي بيتسو موسيماني.
وقرر الجهاز الفني للأهلي إيقاف اللاعب لمدة شهر مع تغريمه 200 ألف جنيه لعدم الالتزام واعتراضه على عدم مشاركته أساسيا في مباراة طلائع الجيش الماضية.
وقال الإعلامي أحمد شوبير، صباح اليوم الجمعة، إن محمد الشناوي حارس مرمى النادي الأهلي وقائد الفريق سيتوسط من أجل الصلح بين كهربا وموسيماني بعد الأزمة الأخيرة.
وأضاف شوبير عبر صفحته الرسمية على موقع التواصل الاجتماعي”تويتر” أنه يتوقع أن يدخل حارس الأهلي لمحاولة الصلح بين المدير الفني واللاعب ولكن بعد الانتهاء من مباراة فيتا كلوب الكونغولي.
وأكمل: “الشناوي سيتدخل للصلح بين الطرفين وطبعا سيتم الإبقاء على العقوبة ولكن السماح للاعب بالعودة للتدريبات الجماعية”.
وسيلتقي الأهلي مع فيتا كلوب، غدًا السبت، في القاهرة ضمن منافسات الجولة الثالثة من دور المجموعات لدوري أبطال إفريقيا.
وفي سياق مُتصل، اكد مهيب عبدالهادي مقدم برنامج اللعيب عبر قناة ام بي سي مصر ان الجنوب افريقى بيتسو موسيماني المدير الفنى للفريق الأول لكرة القدم بالنادي الاهلي رفض محاولات كباتن الفريق للصلح مع الهارب محمود كهربا
حيث قال : موسيماني مش طايق كهربا وقالها كدا ، ومش في حساباته ومش عاوزه وخارج حساباته عقوبة علي كهربا عقوبة ما هو هينفذها لان في وقت معين مبهدئ الاهلي بتنفذ وعلي اي حد ممكن اسيبك مرة و2 و3 وتقول مش هعمل كده تاني وترجع ريما لعادتها القديمة
وواصل : انت عملتها ف سويسرا وف الزمالك والدنيا كانت بتعدي علشان بتقول بابا وتحضن والدنيا بتعدي لكن مش كله هيعدي انت وانت صغير مكنتش بتعمل كده وكان عندك حمية وغيرة احنا خايفين عليك
واشار : في ايه ؟ ربنا اداك كل حاجه حافظ على النعمة اهدى ياحبيبي،واهدى لعبت مع المنتخب والزمالك والاهلي واخترفت ده اكل عيشك اهم حاجه الالتزام
واستطرد : وانت ف منظومة محترمه وانت قولت كده التزام التزام انت عاوز ايه هتجننا يا اخي والناس بتحبك وزعلانين عليك وبقولك كده علشان لاعب كبير وموهبة لما تخلص اعمل الي انت عاوزه واللي بيتوسطله الشناوي اللي كان عمل معه مشكلة
واتم : انت كده هتكون بره المنتخب لانك هتتوقف شهر انت ف ثانيه كده كسبتنا المغرب اللي كسبناها فى العمر مرتين تلاته
