عماد عبدالعزيز رئيس الزمالك يوجه رسالة للحكام قبل مواجهة الترجي بدوري أبطال أفريقيا – فيديو

اكد اللواء المستشار عماد عبدالعزيز رئيس لجنة ادارة الزمالك انه لا يحب التحدث عن الحكام ولكنه يطلب العدل ، كون الزمالك لا يحتاج سوي العدل

حيث قال : مبنعلقش علي التحكيم ، لنا الملعب ورجالتنا يلعبوا ومنبصش للتحكيم ده المفروض ، مبحبش اتكلم على التحكيم ف مصر وافريقيا

وواصل : وزي مانا طلب من اللاعب والمدرب يشوف شغله بطلب من الحكم انت قاضي ويشوف شغله واحكم بالعدل الزمالك لايحتاج الا العدل ممكن بتشوف فريقك بيلعب وتلاقي غلط بياثر ويضيع بطولة وبيضيع تعب موسم ارجوا العدل فقط لاغير

وواصل : والدوري لسه طويل واحنا لسه الاول احنا فى ضهرهم ولازم نوصلهم لده ومفيش تخاذل ولا في دماغهم الكلام ده ولما تشوف عدد الفرص اللي ضاعت في اخر3 مباريات تونجيت والمولودية ودجلة احنا بنوصل كل دقيقه وده عدم توفيق

واشار : ليس هناك تخاذل من اللعيبة واحنا فى ضهرهم وبأكد على هذا ، وحالة الفريق جيدة جدا تركيز عالي جدا جدا ومصممين علي حصد ال3 نقط والمكسب ان شاءالله وربنا يوفقهم باذن الله

واضاف : بشكر السفير ايهاب فهمي علي استقبالنا في المطار وكل افراد السفارة وده مردود ايحابي على البعثة وبيعطيهم حافز ان الدولة كلها مع الزمالك

واتم : لاعبي الزمالك كانوا سعداء بتواجد السفير المصري ايهاب فهمي في التدريب اليوم