قناة الأهلي تفتح النار على “ميدو” بعد حديثه عن انتقاد البدري… “بلاش انت تاريخك معروف” – فيديو
فتح محمد سعيد مقدم برنامج ” التريند” على قناة الأهلي النار على أحمد حسام ميدو نجم نادي الزمالك، بسبب انتقاده لهجوم القناة على الكابتن حسام البدري بسبب ضمة لـ أيمن أشرف
وكان ميدو قد انتقد هجوم مقدمي برامج قناة الأهلي على الكابتن حسام البدري المدير الفني للمنتخب الوطني بسبب إصراره على ضم أيمن أشرف رغم إصابته.
وقال ” سعيد” :” الناس اتفاجئت بموقف الاستاذ أحمد حسام، ومش عارفين هو بالضبط بيتكلم بصفة صاحب منبر إعلامي ولا مستشار فني لنادي تاني”.
وأشار :” هو بيتكلم عن منتخب مصر والأهلي منه 8 لاعبين في المنتخب، وكل التوفيق للمنتخب، واحنا بنتكلم عن الشق القانوني لضم لاعب مصاب”.
وأضاف “سعيد” على قناة الأهلي :” عايز أتكلم عن إصابة أيمن اشرف هي جت من النهارده ولا امبارح ولا معروف إنه من زمان وفترة بالمناسبة أيمن أشرف وهو مصاب المفروض يتعمل كشف طبي ويشوف يستبعد ولا يكمل”.
وتابع :” أحد اللاعبين برضه والمفروض لو هو بيدعي الحيادية وقال أنا مصاب ومرحش المنتخب ومتمش الكشف عليه وبالمناسبة اللي حصل ده مخالف لكل قواعد استدعاء المنتخب، طبيعي لما يتقال إنه مصاب يتم الكشف عليه داخل المنتخب حتى لو موجود تقرير طبي من ناديه متمش مع لاعب وسافر دبي يصور بشكل عادي”.
وواصل ” سعيد” :” لو بتدعي الحياد كنت اتكلمت على لاعب أدعى الإصابة، وأنا عايز اعرف انت بتكلم بصفة اية هل أنت إعلامي ولا مستشار فني لنادي تاني”
ووجه “سعيد” حديثة لـ “ميدو” :” انت لو مستشار إعلامي لأحد الأندية والنادي ده بيلعب في بطولة الكونفدرالية، والمفروض النادي ده بيقدم إقرار أن أى شخص بيعمل فى النادى ده، لا يعمل في أي نادي آخر، وأنت عضو مجلس إدارة في نادي تاني، وانت تاريخك معروف مع المنتخب”
شاهد:
