أشاد محمد أبو العلا نجم نادي الزمالك السابق، ومقدم برنامج ” زملكاوي” على قناة ” الزمالك” بالمؤتمر الذي عقدته اللجنة المعنية لنادي الزمالك عقب خسارة الفريق أمام الترجي التونسي في دوري أبطال أفريقيا
وقال ” أبو العلا” :” بعدمباراة الترجي كان أهم شئ حصل هو المؤتمر الصحفي الراي العام الزملكاوي كان مستني المؤتمر الصحفي ويسمعوا الارقام ويعرفوا كل للي حصل وان رئيس اللجنة عماد عبدالعزيز يطلع يتكلم لان ف ناس كتير مش شافوه”.
واشار :” الناس الموجودة دي المهم فيهم انهم قليلي الكلام لان اللي بيعمل مبيكلمش وعانينا في اوقات سابقة من كثرة الكلام”.
وأضاف “أبو العلا” خلال تقديمه حلقة جديدة من برنامج ” زملكاوي” على قناة ” الزمالك” :” كان مهم توضيح الأرقام والعروض اللي جت للعيبة وتوضيح كل الامور والموتمر ده كنا محتاحينه بدري شويه لان الناس كانت بتتسائل ده مشي ليه وده جه ليه”.
وتابع :” كان فيه أزمات مالية وأمور كتير الضغوط اللي من الإعلام والعروض الناس الموجوده مسعوش للمنصب اللي هم فيه علشان كده بنقول أعضاء اللجنة المكلفة لادارة النادي”.
وواصل :” الناس دي لقوا نفسهم في وش المدفع ولقوا حاجات كتير، وانا مش من عادتي امجد بشكل كبير أو انتقد انا بسعى للرد على التساؤلات”.
وأكد ” أبو العلا”: “عاوزين نحط سبوت على المؤتمر لان كان فيه ضغوط كبيرة وتوضح أنت وارث ايه وانك حاولت تشتغل، وقرارات مهمة كان لازم تاخدها باسرع وقت، واتفاقية الفرع الجديد مع الإنتاج الحربي”.
