هاجم أحمد حسام ميدو نجم الزمالك السابق لاعبي الفريق الأول لكرة القدم بنادي الزمالك، مشيرًا إلى أن بعض اللاعبين لايجيد معهم إلا إستخدام أسلوب ” قلة الأدب”
وخسر الفريق الأول لكرة القدم بنادي الزمالك من نظيره الترجي التونسي بثلاث أهداف لهدف، في المباراة التي جمعت الفريقين على ستاد رادس، ضمن منافسات الجولة الثالثة لدور المجموعات بدوري أبطال إفريقيا.
وقال “ميدو” :” حرام اللى بيحصل فى الزمالك ولازم حل، والزمالك عندة فرصة للتأهل ولازم يكسب الـ 3 مباريات الجاية علشان يقدر التأهل”.
وأشار :” الزمالك يقدر يفوز على الترجي هنا فى القاهرة ولازم اللاعيبة يكون عندها إصرار على المكسب”.
وأضاف “ميدو” خلال تقديمه حلقة جديدة من برنامج ” أوضة اللبس” على قناة ” النهار” :”بستغرب جدًا من بعض اللاعبين إنها بتشكي من قلة الأدب وفي النهاية مش بيمشوا غير لما تستخدم معاهم قلة الأدب”.
وتابع :”فيه لاعيبة كانت بتشتكي إن فلان كان بيعايرنا ويتعامل معانا مش كويس لكن الأيام أثبتت إنهم مش بيشموا غير بالطريقة دى، ولو الأشخاص دول كانوا موجودين مكنوش يقدروا يعملوا كده”.
وواصل :” بقول للجنة المعينة في الزمالك اوعوا تفكروا في رحيل باتشيكو الفرقة هتقع أي مدرب هيجي هيشيل ايده من المسؤولية لك الراجل متحمل المسؤلية”.
وأتم “ميدو” :” المشاكل الموجودة في الزمالك أكبر من المدرب والموضوع كبير مش سهل، وفيه بعض اللاعيبة بتعمل حاجات دلوقتى اللى مكنوش يقدروا يعملوها قبل كده “.
شاهد:
