فاز الفريق الأول لكرة اليد بنادي الزمالك علي الأهلي بنتيجة 18 – 17 في المباراة التي جمعتهما مساء اليوم على صالة الدكتور حسن مصطفي بمدينة السادس من أكتوبر، باللقاء الفاصل للبطولة ليتوج بلقب الدورى للمرة الـ17 في تاريخه.
ومن جانبه قال أحمد الأحمر أسطورة نادي الزمالك في كرة اليد : ” الضغط كان علينا كبير جدًا، لأن السنادي كان فيه مشاكل كتير، لكن الفريق بيظهر معدنه”.
وأشار :”فيه فترات الدنيا مكنتش تمام علشان أمور تانية، لكن اتكلمنا اننا لازم نظهر بشكل قوى طالما رضينا ننزل المعلب”.
وأضاف ” الأحمر” في تصريحات لقناة ” أون تايم سبورت” عقب اللقاء :” بشكر الفريق، لأن الناس فصلت أى مشاكل برة الملعب، والموسم مكنش سهل، لكن الناس التزمت، طول الموسم، خاصة في سنة كانت كلها مشاكل”.
وتابع :” الماتش اللى فاتت كان فيه إيجابيات وسلبيات، وكان عندنا إصابات عضلية بعد الماتش، اللى فاتت و اتفقنا نوزع المجهود على المباراة كلها، والفريق التزم وعمل كل حاجة تقدر توصلة لآخر الماتش وهو واقف على رجله”.
وبسؤاله ” هل ده اخر موسم للأحمر؟” أجاب :” ان شاء الله خير، وعندنا بطولة الكأس والسوبر، وطول ما احنا موجودين بنحاول نطلع افضل حاجة عندنا ”
وأتم ” الأحمر” :” عندنا طموح نحاول نعمل حاجة لبلدنا في الأولمبياد الجاية في طوكيو، وعندنا تركيز والتزام وهنحاول نوصل لأبعد نقطة في البطولة”.
