أسامة نبيه يكشف تفاصيل إصابة جنش .. وسر انسجام لاعبي الزمالك أمام المولودية – فيديو
تحدث أسامة نبيه المدرب العام لنادي الزمالك عن إصابة أحمد سيد زيزو لاعب الفريق الأول قبل مواجهة مولودية الجزائر والتي غاب عنها بسبب إصابة، بجانب غصابة محمود عبد الرحيم ” جنش” حارس الفريق خلال اللقاء.
وقال ” أسامة” : “إصابة زيزو كانت مؤثرة لأنه لاعب مميز، لكن الحمدلله المجموعة اللى معانا، ظهرت بشكل كويس، وشيكابالا كان هو الخيار اللى حل مكانه وظهر بكشل كويس، وأحرز هدف مميز “.
وأشار :” كنا مجهزين جميع اللاعبين للظهور بشكل كويس، واتمنى الاستمرار على هذا النهج الفترة الجاية ومش هنقدر نقول معندناش مشاكل”.
وكشف ” نبيه” خلال مداخلة مع برنامج ” ملعب اون” على قناة ” أون تايم سبورت” تفاصيل إصابة “جنش” خلال اللقاء قائلا :” جنش كان اشتكي في إحدى الكرات من بعض الآم في الظهر، وفي الانقاذ الأخير في المباراة، عمل فيها رد فعل قوى وحس بشكة في ظهرة وان شاء هتكون حاجة بسيطة”.
وتابع :” إن شاء الله جنش يكون موجود المباراة الجاية، وكل الناس اللى موجود عنده فرصة للظهور في المواجهات القادمة معندناش ازمة مع أى حد سواء عواد أو أبو جبل”
وعن سر حالة الانسجام بين لاعبي الفريق أمام المولودية أوضح :” كارتيرون عنده معرفة جيدة بكل اللاعبين، و بنحاول نقلل المشاكل الموجودة في الفريق، سواء اللى برة أو الجوة وان شاء الله الفترة الجاية نقدر نحافظ على المستوى ده ونحاول نحافظ على عدم وجود مشاكل”.
وعن مشاركة “شيكابالا” خلال اللقاء أوضح :” كان بيدرب بشكل رائع في الفترة اللى فاتت، وقدر يظهر بشكل مميز فى الوقت اللى لعب فيه خلال اللقاء”.
شاهد:
