أنتهت مباراة الزمالك والمقاولون العرب بالتعادل الإيجابي بهدفين لكل فريق، في المباراة التي جمعت بين الفريقين ضمن منافسات الجولة الثامنة عشر من مسابقة الدوري المصري الممتاز.
ومن جانبه قال عماد النحاس المدير الفني لنادي المقاولون العرب :” قدمنا مباراة كبيرة قدام فريق كبير جاي من 3 مباريات مكسب”.
وأشار :” بدأنا الدور الثاني بشكل كويس الفوز على دجلة والتعادل مع الزمالك .. لغاية اخر ثانية كنا ممكن نكسب ونخسر كمان بس التعادل مع فريق كبير زي الزمالك نتيجة كويسة جدا”.
وأضاف ” النحاس” في المؤتمر الصحفي عقب اللقاء :” اعتمدنا على السرعات في طريقة لعبنا والهدف الثاني من فاول تدربنا عليه كثيرا في التدريبات .. ادوارد حالته جيدة أمام الزمالك”.
وتابع :”كان عندنا ثبات في الملعب والحمد لله ان الزمالك مقدرش يزود الفارق وقدرنا نرجع في توقيت مثالي .. المنافسة على المراكز اللي تحت اقوى من اللي فوق والفوز بيفرق جدا في المنافسة بالمراكز المتأخرة”.
وواصل “النحاس” :” مكانش عندنا ثبات تشكيل الفترة اللي فاتت .. حطينا لائحة للاعيبة للحفاظ على نفسهم داخل وخارج النادي”.
وأتم :”اللاعيبة اللي خرجت بداية الموسم اثرت بشكل كبير واللاعيبة اللي جت مكانتش بتلعب فلها عذرها علمنا فترة اعداد بـ 16 لاعب فقط عشان افريقيا وبعدين بدأنا ندخل باقي اللاعبين”.
ورفع التعادل رصيد الزمالك إلى النقطة 40 في صدارة مسابقة الدوري، في حين أصبح رصيد المقاولون 19 نقطة في المركز الثالث عشر.
