ايمن يونس يخرج عن صمتة لأول مرة ويكشف سبب رحيله عن الزمالك .. لن أقبل ذلك إطلاقا – فيديو
كشف أيمن يونس نجم نادي الزمالك السابق، عن الاسباب الحقيقة التي دفعته لعدم استكمال عملة داخل النادي بعد تعينه من قبل اللجنة المؤقتة لإدارة الزمالك.
وقال ايمن يونس في تصريحات مع مدحت شلبي، الكلام كان اني جاي شهرين تلاته، قعدت 35 يوم لوحدي لان رئيبس النادي دخل المستشفي وقتها.
في 35 يوم اول 7-8 مباريات عملنا نتايج محصلتش في 10 سنين بفضل العلاقه المباشره مع اللعيبه، وكنت بقعد مع اللعيبه يوميا علشان يكون في وعود بصرف المستحقات والتزام معاهم واللتعيبه تشهد ان مفيش يوم تأخير وكسبت ثقه الجميع.
وتابع : بعد كده رئيس النادي اتوفي وجه المستشار عماد و المستشار هشام وهما ناس محترمه ومناسبين وابتدوا يقودوا النادي، كان في الوقت ده بيتقال هتكمل او مش هتكمل وفجاه لقيت لجنه تنفيذيه ودي معينه من الوزير واللجنه دي وجهت كلام مباشر ليا ان احنا اللي بنقود الكوره وبنقود كل حاجه وانا لا اقبل اكون وجهه فقط واي حد يغلط ويسبب مشاكل وانا اللي في الصوره واتحمل.
وواصل : هما ناس محترمه بس انا معرفتش اتفاهم معاهم، حصل خلافات كتير في اساليب التعامل والقياده.
واضاف : وانا رفضت ان حد يتدخل في الكوره ومش عايز رائ حد، انا بتحمل المسئوليه كامله لان الكوره اللي فيها ريسين بتقع وانا اتعلمت كدا في نادي الزمالك طول عمري حط اتنين يتكلموا فيها كل حاجة هتبوظ.
وتابع : واحد بس صاحب قرار بس وشخص يدير ولكن بعد 35 يوم فقدت الاختصاصات بتاعتي وواحد من اللجنه التنفيذيه جاي يقولي انا عضو مجلس مجلس اداره وانا هدير واي حاجه تطلعلهالي وانا عايز أدير!.
واختتم ايمن يونس حديثه : حصل خلاف وأنا ليا اسلوب في الاداره ومش عايز حد يتدخل اداريا ويعمل اي حاجه مش صح، ساعتها تكليفي خلص وسلمت كل حاجه للواء عماد، واديت دوري ومسئوليتي واختلفنا خلافات كبيره للصالح العام، من حقي اقول في خلافات بس مش هتكلم عنها حاليا.
شاهد :
