علق الإعلامي عمر ربيع ياسين، على قرار إيقاف والده من قبل مسئولي اللجنة الثلاثية التي تدير شئون الاتحاد المصري لكرة القدم في الوقت الحالي، برئاسة أحمد مجاهد.
وذلك على خلفية أحداث منتخب الشباب خلال الفترة الماضية، بعد انسحاب المنتخب من تصفيات أمم إفريقيا بشكل نهائي، بسبب إصابة عدد كبير من اللاعبين وهو السبب وراء الانسحاب.
ونشر عمر ربيع عبر حسابه الشخصي بموقع التواصل الاجتماعي «فيس بوك»: «زمان كان فيه واقعة لشخص هو مسؤول حالي في الكرة المصرية بس محدش اتكلم فيها، نظرا لعدم أهمية الشخص ده في وقتها، الواقعة انه اعتدى على الحكم أثناء المباراة وبالمناسبة الحكم توفي من فترة”.
وأشار: واللائحة والعرف والقانون والمنطق بيقول إن أي حد مسؤل يعتدي على حكم أو لاعب في أرض الملعب لازم يتشطب ويتوقف عن ممارسة أي نشاط ليه علاقة بكرة القدم يعني لا ليه انتخابات اتحاد كرة ولا منصب في الكورة وهو عايش وبالفعل طلع قرار شطب.
وأضاف: «لكن هناك من لغى وظبط قرار الشطب من سجلات اتحاد الكرة فمن هنا بقي ليه الحق من نزول انتخابات وممارسة النشاط وعادي جدااا ولا كان أي حاجة حصلت ومن أول يوم دخل فيه مبني الاتحاد ومفيش حد متفق عليه ودايما عايش في دور النجم
وتابع : وبيحاول يعوض المشكلة النفسية اللي عنده أنه شخص جامد جدااا زي الناس اللي قاعدين معاه على الطرابيزة ف دايما بياخد قرارات عكس عكاس أو ياخد قرار بناء علي اللي جايبينه ومشغلينه فيقولهم حاضر ونعم وتمر الأيام ويبقي مسؤول كبير في الكرة المصرية بيسرب أخبار
وأتم : وياخد قرارت عشان يثير أزمات وأكثر الأزمات بيفتعلها أو بيسربها علاقة بأهلي والزمالك عشان الشعبية والأخبار وأنتم فاهمين طبعا علي العموم فايدة اللي انا بقوله ده أنك حاول تبقي مجتهد وتعمل كل اللي نفسك فيه وأنت صغير عشان لما تكبر مطلعش عقدك على الناس وأنت كبير
وأصدرت لجنة الانضباط برئاسة المستشار سيد بنداري عدة قرارات بالاشارة الي التحقيقات التي أجريت بشأن واقعة مشاركة منتخب مصر للشباب مواليد 2001 ، في بطولة أفريقيا المؤهلة للنهائيات الأفريقية والتي أقيمت في دولة تونس كالتالي:-
أولا .. إيقاف ربيع ياسين عن ممارسة أي نشاط يتعلق بكرة القدم لمدة سته أشهر ، وتغريم المدير الفني السابق مبلغ مائتي ألف جنيه .
ثانياً.. إيقاف وليد منظور طبيب المنتخب السابق عن ممارسة أي نشاط يتعلق بكرة القدم لمدة ثلاثة أشهر ، وتغريمه مبلغ مائة ألف جنيه.
ثالثاً.. تغريم اللاعب عبد الرحمن احمد لاعب نادي انبي ومنتخب الشباب مواليد 2001، مبلغ خمسون ألف جنيه
