كشف حسن يسرى المشرف العام على فريق اليد بنادي الزمالك، أسباب خسارة الفريق أمام الأهلي، في نهائي بطولة كأس مصر، والذي جمع الفريقين مساء أمس السبت.
وقال ” يسرى” : “الحمدلله على كل شئ مبروك للأهلي وكان أسباب الخسارة الفرقة مجهدة لعبنا أمبارح ماتش 60 دقيقة وعندي إصابات وناس تتحامل وكنا بنلعب على الدوري وهي الاهم، وكان عندنا سوء توفيق، وكان توفيق مع عصام الطيار حارس الأهلي صد 4 ضربات جزاء ولو كنا أحرزناهم كنا فزنا”.
وأشار :” أنا مؤمن بحاجة اللي بيخلق التعصب المسئولين واللاعبين اللي بيعملوا حركات ويكتب كلام على السوشيال ميديا عشان ياخد التريند ببطولتك مش بحركات أو كلمتين”.
وأضاف ” يسري” خلال تصريحات لقناة ” الزمالك” : “اللعيبه دول اصحاب واخوات وخناقتهم في الملعب بس وانا عاوز اكسب بالطرق المشروعة مش بالأذية واللعيبة دي بتتجمع في المنتخب ويقعدوا في اوض واحدة”.
وتابع :” هيليوبليس فريق كويس و لعيبتنا اجهدوا ولعبنا 5 مباريات في 8 ايام و ماتشات الاهلي بتكون قويه وعندنا إصابات قدر الله وماشاء فعل والأهلي عرفوا يريحوا أمام الزهور امبارح وعندهم لعيبه كتير”.
وواصل ” يسري” :” أولا الموسم لسه مخلصتش لسه عندنا بطولة السوبر الأفريقي يوم 15 مايو وبطولة افريقيا ابطال كاس والمرسم هيخلص 30 مايو”.
وأكمل :” ولو احنا متواجدين كجهاز هنحط طلباتنا ايه ونكلم اللجنة ونجيب مستحقات لاعبى ونضغط علشان ياخدوا حقوقهم بس مينفعش اتكلم لاعب في تجديد وهو له مستحقات واللعيبة مستعدة تجدد وبشكر كل اللعيبة وعدوا بالموسم وهم ابطال الدوري”.
