شن خالد الغندور مقدم برنامج زملكاوي عبر قناة الزمالك هجوما علي احمد مجاهد رئيس اللجنة المكلفة بإدارة اتحاد الكرة ، مؤكدا انه يثير الفتن والحقد بسبب مجاملاته
حيث قال الغندور : الرياضة جزء مهم جدا من مزاج وفرحة الشعب كلنا بنحب ونتابع الرياضة والشعب اللي تعدى ال100 مليون منقسم بين الزمالك والاهلي والاسماعيلي والاتحاد والمصري البورسعيدي واسوان والمحلة بتاريخها حاجه
وواصل : للاسف الحاجه الوحيدة اللي الواحد زعلان عليها الرياضه الدولة بتحاول تصنع انجازات بتنظيم بطولات دوليه زي بطولة كأس العالم لليد اللي كانت بلا حالة كورونا واحده وقبلها كانت بطولتي افريقيا للشباب والكبار
واشار : علة مستوى اتحاد كرة القدم هتلاقي البحث عن الكرسي كل واحد عاوز يخلص على التاني النهارده صاحبي وزميلي وبكره معرفكش ووجوه من سنين وعاوزين يشعلوا الفتن
واستطرد : المنصب تطوعي لكن بياخد شهره والبقاء في الكرسي بيجنن الناس
واضاف : احمد مجاهد كان فشل ومشي ورجع تاني وبيشعل الفتن وبيزيد الضغينة والحقد ، ناس لا تبحث الا عن مصلحتها ومش بيهمها اللوائح والقوانين
واتم : الناس دي لازم تنتهي من حياتنا الرياضه لازم هذه الاشكال التي لاتبحث الا عن مصلحتها والبقاء بالمنصب واللعب بالاخلاق والمثل لعبة قديمة وعفى عليها الزمن
