حقق فريق الزمالك فوزا مستحقا على البنك الأهلي باربعة أهداف مقابل هدف في المباراة التي أقيمت بينهما باستاد القاهرة، والمؤجلة من الجولة السابعة عشرة لمسابقة الدوري المصري الممتاز.
ومن جانبه قال خالد جلال المدير الفني لنادي البنك الأهلي :” الشوط الأول عكس التوقعات اللي كنت راسمها والخطة أول 10 دقايق خسرانين اتنين والشوط الاول كنا خارج نطاق الخدمة .. مش اقل من 7 لاعيبة كانوا مش في مستواهم والدفاع كان مفتوح جدا”.
واشار :”الزمالك أضاع كتير، والشوط الثاني كنا أفضل شوية بس برضو الخسارة كانت بنتيجة كبيرة .. عندي مشكلة اني بلعب ماتش وبريح 20 يوم وده مش دوري خالص لان مفيش استمرارية”.
وأضاف ” خالد” عقب اللقاء :”الزمالك لعب زيادة علينا 3 ماتشات وده بيخليه في أعلى فورمة له .. بالطريقة دي في فرق هتتظلم باللعب كل فترة.. وعندنا 3 ماتشات سيراميكا والانتاج والاسماعيلي هنحاول نحسن الأداء والأخطاء .. المجمل مش راضي عن الأداء”.
وتابع :” أحمد ياسر كان في نرفزة وحد من الجمهور ضغط عليه والموضوع بسيط وبنعتذر لجمهور الزمالك مش عايزين نكبر الموضوع”
رفع الزمالك رصيده إلى 39 نقطة يحتل بها صدارة الدوري ، في حين توقف رصيد البنك الأهلي عند 14 نقطة يحتل بها المركز السادس عشر .
