حرص محمد ابوالعلا مقدم برنامج زملكاوي عبر قناة الزمالك علي توجيه نصيحة للاعبي الفريق بضرورة التركيز خلال مواجهة الاهلي غدا وتفادي الثقة الزائدة بعد غيابات الاحمر
حيث قال ابو العلا : كل حاجه لها ايجايبات وسلبيات لان المنافس عنده غيابات واحنا كامل العدد المفروض منحسش بالثقة الزايده في مباريات كتير مبيكونش الفيصل بها النجوم ولكن بالتزامك الفني داخل الملعب واجتهادك لازم تركز في فرقتك وواجباتك وانت عاوز ايه من المباراة ومتبصش للمنافس
وواصل : لازم متدخلش المباراة متاخر ويكون عندك ثقه زيادة لازم نبص للجانب الايجابي احنا فريقنا مكتمل ومفيش اصابات ملناش دعوة بالمنافس وغياباته
واشار : ذلك لان المباراة دي بطولة خاصة ويهمنا البطولة الخاصة ولكن عنينا على البطولة الكبيرة
واستطرد : المحللين بيتكلموا انه محتاج تكون مستعد نفسي وذهني ولازم تعيش المباراة واعيش في حالة استقرار واعرف مين هيلعب بجانبي ، ولازم تكون نازل هادئ تلعب دورك
وشدد : انت علي الورق مطمن لكن في الملعب الامور كلها في ايد اللعيبة وحالتهم جوه الملعب، مهم تكون مركز وتنفذ اللي بيقوله المدرب
