أكد السيناريست مدحت العدل أنه لايعرف هوية الشخص المتسبب في تسريب مكالمته الشهير مع عمرو الجنايني رئيس اتحاد الكرة السابق أثناء فترة توليه اللجنة الخماسية داخل الاتحاد.
يشار إلي أن التسجيل الصوتي الذي انتشر لـ مدحت العدل وعمرو الجنايني منذ فترة ، أثار حالة من الجدل وقتها، وقال العدل لعمرو الجنايني خلال التسريب “أنت مش بتتفرج على الماتشات ولا إيه، هى لجنة الحكام دى مش تبعكم يا عمرو، ولا تبعى أنا ولا إيه..”.
وأضاف خلال التسريب “الفار مش بيحسب حاجة للزمالك ولا بيعيد حاجة للزمالك، ومباريات الأهلي الحكام بتحسب ضربات جزاء والفار بيرجع يقوله لا مفيهاش حاجة، عايز اعرف مش الحكام تبع لجنة اللجنة الخماسية برضوا، ولا الزمالك بس اللى تبعكم، نفسي أفهم؟، ولا أنا فاهم غلط”
وقال ” العدل” :” معرفش مين سربة وأكيد مش أنا، وعمرو الجنايني صديقى وبنتكلم على طول، وممكن يكلمنى على أولادى وأكلمة على أولاده، ومعرفش مين اللى سرب المكالمة”.
وأشار :” كانت فويس على الواتس آب ومعرفش مين اللى سربها وانا مش بفهم في التكنولوجيا علشان أعرف”.
وأضاف ” العدل” خلال استضافته في برنامج ” شيخ الحارة” على قناة ” القاهرة والناس” على تقديم المخرجة ” إيناس الدغيدي” :” الناس اللى بتقول إن الزمالك ضعيف نفس الفريق ده السنه اللى فات كان خد كاس الكونفدرالية وكأس السوبر المصري والافريقي، والزمالك عنده أفضل فرقة في إفريقيا”.
وتابع :” الإعلام مصدر ان فيه 70 مليون في مصر بيشجعوا الأهلى و ده بيترجم لإعانات وفلوس وفي واقع الأمر ده مش حقيقة لأن مفيش حاجة ممكن نجسم بيها المسألة دى”.
شاهد:
