طارق السيد عقب هزيمة الزمالك من الاهلي: حزين علي الجمهور .. وهذا الثنائي اتظلم

تحدث طارق السيد نجم الزمالك السابق عن تصريحه بأنه “شامم ريحة الدوري” مشيرًا إلى قدرة الزمالك على الفوز باللقب هذا الموسم.

وقال طارق السيد في تصريحات عبر برنامج الماتش الذي يقدمه الإعلامي هاني حتحوت عبر شاشة صدى البلد “وقت ما قلت التصريح ده كان بعد أول مباريات للفريق”.

وتابع ” اتفرج على الزمالك اول 6 مباريات، كان حاجة تفرح وفي شغل محترم معمول”.

وأضاف “بعدها طلع ان الناس في الجهاز الفني وقتها مش مسيطرة ومشينا بشكل لا يليق سواء اشرف قاسم او عبد الحليم علي، اتظلموا ومشيوا “.

وواصل طارق السيد “جمهور الزمالك عاوز بطولة، الناس تعبانة، انا حزين على جمهور نادي الزمالك”.

وقال طارق السيد في تصريحات عبر برنامج الماتش الذي يقدمه الإعلامي هاني حتحوت عبر شاشة صدى البلد ” كارتيرون بيناقد نفسه في التصريحات، ازاي بيقول اننا كنا الأفضل في الشوط الثاني وبيقول ان اللعيبة كانت معاقين، انا مش فاهم تصريحاته”.

وتابع ” لعيبة الزمالك بتتكلم في الفلوس وبس، هاتوا بطولات الأول، انا مش مصدق الجيل ده، المفروض انهم محسوبين عليهم من أفضل أجيال الزمالك، الزمالك نادي بطولات، قارن الجيل بغيره بالبطولات مش بالمهارات الفردية

وأضاف طارق السيد ” عمالين نقول بن قلبي والرسام وفي الآخر مفيش بطولات، مش عاوز القاب على اللعيبة، انا عاوز بطولات، مينفعش منطلعش منصات تتويج باللعيبة دي، الواحد تعب “.