طلب عاجل من محمد ابوالعلا للجنة الزمالك بعد الفضيحة التحكيمية في ديربي اليد

استنكر محمد ابو العلا مقدم برنامج زملكاوي عبر قناة الزمالك الفضيحة التحكيمية في ديربي يد الزمالك والاهلي ، مؤكدا ان الابيض كان له هدف مستحق وتم الغائه بشكل غريب من الحكم

واكد انه يطلب من لجنة الزمالك تشكيل لجنة لمناقشة ما يحدث من عراقيل خارج الملعب

حيث قال محمد ابو العلا : حصل حدث مهم جدا كان في مباراة هاندبول بين الزمالك والاهلي، وحدث امر غريب، الزمالك جاب هدف فى اخر المباراة وتم الغاءه وحصل جدل كبير جدا عليه فى السوشيال ميديا

وواصل : وجماهير الزمالك مستاءه، فاضل18 ثانيه وتحسم بطولة، ماخدتش حقك ودي تخلي الناس تضايق بدل ما تتقدم تلاقي نفسك تدخل فى سيناريو تاني كلنا ثقة فى رجالتنا يوم الاثنين

واشار : بناشد مجلس ادارة الزمالك يعمل لجنة قانونية لمناقشة مايحدث خارج الملعب وتحط ايدك على الحاجات اللي بتعرقل،مبحبش اتكلم عن الظلم والمظلومية اي نادي قوي بيحب يثبت وجوده والزمالك قوي

وشدد : حط ناس قانونين علشان تستعد لكل الاحداث لان في عقوبات وايقافات ودي بتعطلك، وبدعو مجلس ادارة الزمالك يعملوا ده بشكل سريع وتعرف تاخد حقك بشكل ضمان للحقوق وفيها عنصر الوقت