عضو اللجنة التنفيذية في الزمالك ينهي الجدل حول مساله تجديد عقود لاعبي اليد.. ويوجه رساله الي الاتحاد بشأن الموسم السابق

أكد حسين السمري عضو اللجنة التنفيذية بالزمالك، أن اللجنة المكلفة بإدارة النادي كلفوني لفرق العاب الصالات وفريق كرة اليد وطلبوا تأجيل ملف تجديد اللاعبين لحين انتهاء كأس مصر .

وتابع طلبت من المديرين الفنيين موقف اللاعبين ولوعاوزين دعم من لاعبين خارج النادي ومين اللي هيمشوا وهيتم مناقشة كافة الأمور واللي هيطلبوه هنفذه، وان شاء الله نفوز بكأس مصر وهما الاكثر حصولا على بطولة الكاس وهقعد مع المديرين الفنيين ومع اللاعبين ولازم الجهاز الفني اللي يحدد طلباته ايه هل هيزيد القيمة الماليه للاعب او ياخد نفس عقده، والمدير الفني هيحدد من هيجدد وده حقه.

وواصل لاعبي اليد رجاله وليهم مستحقات موسمين حتى مكافآت الفوز الماضي ماخدوهاش،وإن شاء الله نقدر نوفي وكفاية انهم بيفرحوا الجمهور وهم رجاله وبيوجهوا رسالة لكل الفرق ورجوله ومبيفكروش الا في الملعب ومشوفناش لاعب قال عاوز كده ووده موجود في كل العاب الصالات.

و طلبنا من اتحاد اليد استكمال الموسم الماضي دول مباراتين وجهزت لعيبتي ووصلت النهائي ليه اتحرم من البطولة وهشام نصر اخد قرار بلعبهم وبسببه تم ايقافه والاتحاد بيدرس الامور دلوقتي يا يتم اعتبار الموسم القبل الماضي هو بطل الموسم الماضي ومعناه الزمالك بطل الدوري والأهلي الكأس وبنتواصل مع اللجنة المؤقته لإدارة اتحاد كرة اليد